يعرض الآن

Summer-Peabod
ﺍﺳﺘﻤﻊ ﻟﻠﺒﺚ ﺍﻟﻤﺒﺎﺷﺮ

بيت القديس نيكولاس

مساعدة كبار السن

Listen in English

هذه المقالة مأخوذة من مقابلة اذاعية

 

راديو الحياة قابل ايلي رباح من بيت القديس نيقولاس ، ايلي شو هوا بيت القديس نيقولاس ؟

 

بيت القديس نيقولاس هو بيت هوائي للمسنين في موجود 20 مسن حاليا منعتني فيهم ومنقدملهم الخدمة ومنساعدهم

 

ايمتى بلشت المؤسسة وليش ؟

 

تاسس في 1976 من مجموعة من الاشخاص كانت فكرتو انو يحافظ على المسنين ويدير بالو عليهم اللي ما الهم حد في البلد

 

هل كان بحاجة لهاد البيت في المجتمع ؟

 

الناس بحاجة للبلد عنا في بيت جالا في محافظة بيت لحم للاعتناء في كبار السن اللي ما عندهم حدا

 

هل وجود النساء والرجال في البيت امر مميز ؟

 

هلا في عنا في البيت مسنين ومسنات اكيد عايشين مع بعض كعيلة وحدة بتسلوا مع بعض

كديش عدد الاشخاص الموجودين هون وهل كلهم مسيحية ؟

 

حاليا عنا 20 مسن ومسنة لانو عم منقوم بترميم وبناء للمبنى الجديد واكيد في عنا مسلمين ومسيحية مش بس مسيحية

 

بما انو هون بيت مسيحي انتو بترحبوا بناس من ديانات اخرى؟

 

 بالزبط في عنا ديانات اسللامية ومسيحية في البيت

 

شو هيا حاجات الناس اللي بسكنو في هاد البيت هون ؟

 

اكيد المسنين اللي عنا في البيت بحتاجوا لرعاية صحية عشان هيك عنا ممرض وممرضة بديروا بالهم عل مسنين من ناحية صحية وبعتنوا فيهم

 

عل اغلبهم وحيدين في المجتمع ؟

 

لا مش كتير في ناس عايشين لحالهم في بيت جالا او في منطقة بيت لحم خاصة لانو احنا كتير قراب على بعض وجو عائلي كتير في بيت جالا

 

هل بحصلوا عل رفقة جديدة لما ييجو هون ؟

 

اكيد كل المسنين بصيروا صحاب مع بعض واكيد بصير بينهم مشاكل زي الصحاب بس بكونوا صداقات وبلعبوا مع بعض وبتغدوا مع بعض

 

هل بصابواغ بالذعر وبعصبوا لما ييجو هون لاول مرة وهل بتشوفوا تغيير كبير خلال الاشهر اللي بقضوها هون ؟

 

اكيد اول ما ييجي الواحد ع اشي جديد ما بقربوا عليه ولكن مع الفترة بتعود شوي شوي وبصير يحب الوضع شوي شوي بتأقلم مع الوضع الموجود فيه وتنساش انو في طلاب بساعدونا كتير من طلاب تمريض وطلاب العلاج الطبيعي وعلاج وظيفي وخدمة اجتماعية من خلال خمسة جامعات من منطقة بيت لحم في فلسطين وبساعدونا مع المسنين في انهم يتخطوا للمرحلة اللي هما فيها

 

هل هما هون عائلة وحدة كبيرة ؟

 

اكيد احنا هون عايشين كعيلة وحدة بكون كل اعمالهم مع بعض

 

هل عندكوا فعاليات لذوي الاحتياجات الخاصة ؟

 

اكيد في عنا اشياء اللي بتساعد الناس اللي ما عندهم حركة في عنا ممرض وممرضة بساعدوهم في كتير اشياء وفي عنا طلاب بساعدوهم ، بس في المبنى الجديد اللي هلا عم منرمم فيه راح يكون فيه امكانيات اكتر

 

شو هيا انواع المشاريع اللي بتقوموا فيها لكبار السن ؟

 

نحنا على جميع الاحتفالات منسوي احتفالات عنا عندك احتفال عيد الام وعيد الفطر عيد الميلاد وعيد الاضحى والعيد الكبير الايستر وكل الاعياد منسوي احتفالات وخلال السنة كاملة بكون في نشاطات مع الطلاب

 

هل الناس اللي كبار في السن بصحلهم لنهم يقابلوا الشباب ؟

 

اكيد في عنا نشاطات كبيرة مع كبار السن ومع صغار السن مع الشباب ومع الكل وراح نصير نجيب الناس من ال 9 لل3 يكون عنا زي نادي نهاري للمسنين وندير بالنا عليهم

 

هل مهم للمسنين انهم يقابلوا ناس صغار في السن ؟

 

اكيد يعني احنا عنا المسنين بحبوا يشوفوا ناس مهتمين فيهم وازا شافوا ناس صغار او شباب راح ينبسطوا كتير

 

شو هيا الامور اللي بقومو بعملها معهم ؟

 

الشباب عنا بيجو زي الكشافات وزي الشبيبات وبيجوا بلعبوهم وبرقصوهم بلعبوا معهم شدة بعملولهم احتفالات بوزعوا ورد عليهم في عيد الام

 

هل بتلاحظ تصرفاتهم بتتغير لما ييجو صغار في السن للبيت ؟

 

اكيد نفسيتهم تتغير يعني زي ما حكتلك ما بكونوا متعودين عل بيت بس لما ييجوا الصغار في السن بنبسطوا

 

هل انتو جمعية خيرية خاصة ولا مدعومة من الحكومة ؟

 

احنا في بعض المؤسسات بتدعمنا لنكمل مسيرتنا هون بس برضو في نزل منوخد منهم مصاري زي نزل في الهم اهل منوخد منهم مصاري اشي بسيط عشان نقدر نستمر

 

هل في متطوعين كمان بشتغلوا هون ؟

 

اكيد في كتير مؤسسات وكتير متطوعين بيجوا عنا بساعدوا المسنين خلال السنة

 

ليشب تقوموا بهاد العمل ؟

 

اكيد عشان نحافظ على حياة المسن ويعيش حياة كريمة طيلة ايام حياتو لانو المسنين منهم اجدادنا

 

هل بتقوموا بعمل فرق في المجتمع ؟

 

اكيد لانو قديما كان كتير يرفض يودي حد من اهلة على بيت المسنين بس لما شافوا الرعاية اللي منقدمها وكيف عايشين المسنين كتير تغيرت الفكرة عن قبل

 

شو صلاتك للمسنين في البيت هون ؟

 

انو يعيشوا بصحة وسلامة ويعيشوا بكرامة وتكون حياتهم سعيدة

بما انو عندكو مشروع بتشتغلوا عليه في الوقت الحالي شو راح تعملوا وهل بدكم تتوسعوا ؟

 

حاليا في عنا ترميم وبناء زي ما حكتلك احنا حاليا هلا بوسع 20 بس بعد البناء راح يكون في عنا 50 مسن تقريبا و ال 50 مسن راح يعملوا تغيير كتير كبير راح نستقبل كمان طلبات من كل فلسطين مش بس من بيت لحم وراح يصير في عدد ممتاز من المسنين لانو تغيرت الفكرة عن قبل وفكرة انو بيت مسنين تغيرت

 

هل بيجوا كبار السن هون بس من بيت لحم ولا من مناطق اخرى ؟

 

لا المسنين العنا من كل محافظة بيت لحم ومن كل فلسطين في عنا من بيت لحم بيت جالا ومن رام الله ومن الخليل

 

شو هو الموقع الخاص فيكم عشان ازا حدا حب يتواصل معكم ويعرف اكتر ؟

 

saintnicolashome.org

شكرا ايلي وشكرا لاستماعكم لبرنامج احدث فرقا معي انا الياس كسابرة وانتا شو بتعمل عشان تحدث فرق في مجتمعك

More from اخبار الحياة

  • Avengers Endgame

    مراجعة لاخر اعمال Marvel الناجحة Avengers Endgame.

  • فيلم ميج - The Meg

    ننصحك بأنه إذا كان لديك طفل مهووس بأفلام الوحوش، هذا الفيلم يثبت ذلك التحول. خلاف ذلك ، هذا أفضل الأفلام الرائجة في الوقت الحاضر.

  • نادي اسود بيت لحم

    صنع فرق

ﻗﺎﺋﻤﺔ ﺍﻟﻤﺮﺍﺳﻼﺕ

اتصل بنا

  • بريد الكتروني studio@radiohayah.ps
  • هاتف (970) 022777019