يعرض الآن

The Lighter Side Of The Dark Knight-Ben Knight
ﺍﺳﺘﻤﻊ ﻟﻠﺒﺚ ﺍﻟﻤﺒﺎﺷﺮ

استعراض خاص ومميز على

الجيتار في الأراضي المقدسة

Listen in English

راديو الحياة قابل اسامة اللاتي من بيت ساحور

 اسامة انت موسيقي هل كنت دايما مهتم في الموسيقى؟

 

من صغري بديت اعزف غيتار من عمر سبع سنين تمن سنين من خلال ابن خالي واتعلم غيتار في المعهد الوطني للموسيقى زمان من 1996  ل 2001 هلا صار  اسمو معهد ادور سعيد للموسيقى  فمن وانا صغير بحب الة الغيتار وبديت اتعلم موسيقى من وانا صغير  ولحد هلا هيني  متابع فيها الحمد لله

 

متى حصلت على اول الة موسيقية فيحياتك ؟

 

لما كان عمري 10 سنين  بديت اتعلم في المعهد الوطني كان لازم يكون معي غيتار فابوي شرالي اول غيتار الي هو غيتار الطفولة

 

انت حصلت على غيتار مميز وجبتو لفلسطين هل في مجال تحكيلنا عنو اكتر ؟

 

نعم صحيح  السنة لماضية كنت على الفيسبوك بتابع صفحات صناع الغيتارات وفي صفحة لشركة اسمها ام جي بيس  عجبتني الديزاين تاع الموديلات  والبيس كتير جذابة والتفصيلات الها كتير مخيفة وعملت تواصل مع الزلمة بصنع غيتارات هاي البيسس طلبت منه اكون وكيل للشركة وحبيت يصنعلي بيس 9 اوتار يكون دايما  بدي هاد النوع من البيس اعزف عليه  واقدم موسيقى  من نوع اخر عليه  طبعا الحمدلله الامور مشت وجبت اول بيس  9اوتار لفلسطين هو الوحيد من نوعو في الشرق الاوسط وانا مبسوط كتير لانو بعتبر اهم انجاز موسيقي بحياتي هون

غيتار فيه 9 اوتار هل في فلسطين زيه؟

 

لا ما في ولا بيس 9 اوتار حتى 7 اوتار في الشرق الاوسط حسب ما بعتقد  فهاد البيس ال 9 هو اول بيس بدخل الشرق الاوسط طبعا انا فخور انو كشب فلسطيني انا بمتلك هاي الالة بالشرق الاسط تكون هاي الالة الي
 

هل صنع يديويا  وخصيصا بس الك؟

 

طبعا صنع يدويا 100 بالمية يتكون البيس من عدة انواع خشب برازيلية ويتكون من مواصفات عالية من ناحية الصوت ومن ناحية البيام وهاد هو البيس الوحيد صناعتو يدوية 100 بالمية

 

من ايش هو مصنوع ؟

 

من عدة انواع خشب الجسم البيس من خشب اسمو الامبويا خشب برازيلي  عالي الجودة البيس كمان مصنوع من 3 طبقات خشب المهاجوني البرازيلي  الرقبة مصنوعة من 3 انواع خشب الي هي الونجي والميثيل والمهاجني

 

شو الفترة الي اخدها لحتى يتم صنعوا ؟

وهل كان اشي سهل انو تجيبوا على فلسطين ؟

 

صناعتو اخدت اربع اشهر لخمس اشهر بدا الصنع بشهر 2 سنة 2017 وانتهت صناعتو بشهر 6 ووصلني بشهر 9 السنة الماضية  صناعته يدوية 100 بالمية دقيقة جدا

 

كيف صوتو وهل اخد وقت عشان تقدر تعزف عليه؟

 

هاد البيس عبارة عن تحدي فاكيد يعني بدك توخد فترة تتعود عليه صار عندي وجع في ايدي الشمال عبين ما اتعود عليه لانو رقبته كتير كبيرة فاشي طبيعي كبيس من هاد النوع بدك وقت لتتعد عليه

 

هل صوته بشبه الغيتار العادي؟

 

لأ هو بيس وهو فيه كل مواصفات البيس العادي الاربع اوتار الخمس اوتار نفس الشخصية ونفس الاوتار نفس الصوت ولكن بمستوى اكبر

 

هل بتحتاج تكون اخطبوط عشان تعزف على تسع اوتار ؟

 

ممكن نوعا ما بس يعني هي شغلة تعويد بالبداية بدك فترة نوعا ما منيحة تتعود عليه توخد احساسه وتعزف عليه وتعزف على الاوتار العالية فيه ايدك تتعود على الرقبة فاشي طبيعي بدك تعاني بالاول ولكنه ممتع عند العزف

 

هل استطعت انو تعزف في فلسطين وشو الناس بفكرو لما يشوفوك بتعزف عليه ؟

 

اول ما يشوفو كتير الانظار عليه كتير بيجي بسالوني ايش هاي  وليش لهدرجة ضخمة وليش البيس 4 او 5 اوتار مش مكفيك وليش جايب 9 اشي طبيعي بجذب الانظار وين متروح شكله متقن كتير الوان فيه الي هي الوان الخشب الطبيعية طبعا لحد هلا ما عزفت فيه برا فلسطين عزفت فيه هون سجلت فيه هون لكل الصيفية الجاي عندي رحلة برا وطبعا رح اخدوا معي

 

هل انت حاضن رسمي للغيتارات في فلسطين؟

نعم صحيح انا حاضن رسمي لام جي بيس في فلسطين وبالشرق الاوسط الوحيد والاول هون

 

بما انك بتعمل  مع موسيقى بلا حدود احكيلنا اكتر عن هاض المشروع؟

 

المشروع متواضع بديتو مع عازف بيس من جزيرة كورسيكا بفرنسا اسمو جين براتسل كان رائع بدينا هاد المشروع مع بعض نعزف ونسجل  مع بعض ونصور مع بعض ونخرج الفيديوهات في هلا عنا فيديو رح يطلع جديد غير عن البيس الفيديو القديمة هاد المشروع  بقرب وجهات النظر الموسيقية من مناطق مختلفة بالعالم

احكيلنا اكتر عن مشروع من القرب للشرق

هاد المشروع بديتو السنة الماضية قبل ما اتعرف على جين مع بيسست ايطالي امريكي اسمو تشارلز --لكن المشروع شوي ما انعطى الوقت المطلوب بسبب انشغالي وانشغال تشارلز بنفس الوقت وانا هلا مركز اكتر على ميوزيك اكسيلز بوردرز اكتر لانو هو المشروع الاساسي بالنسبة الي

 

انت كمان قدرت تعزف بالاردن احكيلنا اكتر عن الموضوع؟

 

نعم صحيح مع فرقة الرعاة رحنا على الاردن بمهمة انسانية نعزف للاجئيين السوريين والعراقيين هناك كانت مهمة ناجحة بشكل كبير تعرفنا على الحياة الي عايشينها هدلاك الناس شفنا حزن الي عايشيين فيه وشعرنا بكم ثمينة مهمتنا ومهمة بالنسبة الهم ونجيب فرح العيد عيد الميلاد من بيت لحم للاردن الهم نعزفلهم ندخل الفرحة لقلوبهم نساعدهم يضحكوا يتعرفوا على ناس تانيين حتى قابلنا وزير الثقافة الاردني هناك وشكرنا على هاي المبادرة الحلوة وجبنا هدايا الهم من بيت لحم من اطفال بيت لحم لهدول الاطفال اللاجئيين

 

انت مثل الملك داوود كان يعزف للغنمات في بيت لحم هل انت بتروح وبتعز في حقل الرعاة؟

بحس انو المسرح يعني مكاني بحب اطلع على المسرح اعزغ للناس استعرض الاتي استعرض قدراتي المتواضعة على الغيتار عزفنا كتير في حقل الرعاة اشي طبيعي لكن انا دايما بفضل المسارح الي بتوصل الرسالة الفلسطينية الموسيقية للناس سواء محليا او وطنيا  او دوليا

هل حبك للموسيقى وقدرتك على العزف نعمة وهدية من الله ؟

 

نعم صحيح انا بامن بهاي الشغلة موهبتي المتواضعة اشي اكيد من الله وواجب علي اطورها كل يوم واشتغل عليها اكتر

 

هل موسيقتك بتساعد في التغيير في المجتمع؟

 

ان شاء الله ، عم بحاول انا بامن بهاي الشغلة انو كل واحد قادر يغير العالم باشي بسيط كالموسيقى وهي اداة مهمة عالميا لانو هي ثقافة الشعوب وهي لغة الشعوب هي لغة الملائكة فاشي طبيعي انا كموسيقي فلسطيني ساحوري بتمنى موسيقتي توصل رسالة الفلسطينية محليا ووطنيا ودوليا

 

هل بتامن انو موسيقاك بتعمل على جلب السلام للارض المقدسة؟

 

طبعا اشي اكيد ، الموسيقى هي اصلا اداة سلام فاشي اكيد

 

هلا انت وغيتارك دعوكو لعرس ؟

 

هي كانت نهفة صديقي جابر جبران عازف القانون من بيت ساحور عازف رائع تجوز السنة الماضية وطبعا عزم كل الموسيقيين الصحابه على عرسه وانا اجتني دعوة الي ولاهلي ودعوة خاص للبيس فمن كتر ما ضحكت للموضوع حطيتو عالفيس بوك وجابت كتير تعليقات

بتجنن هي كانت كنهفة بس صار الموضوع رائع

 

شو هي صلاتك للموسيقى الخاصة فيك في الاراضي المقدسة؟

 

فلسطين هي مركز العالم فهي بنص الشرق الاوسط بنص العالم كل عيون العالم الها خاصة بسبب القضية الفلسطينية طبعا ومعاناة الفلسطينيين مع الاحتلال فانا بنظري بصلي وبتمنى انو موسيقتي وموسيقى كل فنان فلسطيني توصل للعالم وبتمنى موسيقتي وموسيقى كل فنان فلسطيني تعمل تغيير في الواقع الفلسطيني لاجل الشعب الفلسطيني ولاجل الشباب الفلسطيني ولاجل الجيل الجديد من الموسيقيين

شكرا اسامة وشكرا الكم  لاستماعكم لبرنامج احدث فرقا معي انا الياس كسابرة وانت شو بتعمل عشان تحدث فرق في مجتمعك

More from اخبار الحياة

ﻗﺎﺋﻤﺔ ﺍﻟﻤﺮﺍﺳﻼﺕ

اتصل بنا

  • بريد الكتروني studio@radiohayah.ps
  • هاتف (970) 022777019