يعرض الآن

Dead Men Walking-Lee Jackson
ﺍﺳﺘﻤﻊ ﻟﻠﺒﺚ ﺍﻟﻤﺒﺎﺷﺮ

سعيد زرار من امانة الاراضي المقدسة يتحدث عن المشروع الجديد. حكايا

حكايا

English

هي مؤسسة غير ربحية تأسست في ١٩٩٨ وهاي المؤسسة بتطمع في مشاريع أخرى لتقوية المشروع المحلي حتى يقدر هاد المجتمع يقود هاد المستقبل لأنه اللي منعمله منركز على المناطق المهمشة منها مناطق جيم وكمان مع المجتمعات في المخيمات الفلسطينية وفي عنا دائرة بتركز على استقطاب أكبر عدد ممكن من المتضامنين اللي بيجو يزوروا فلسطين من خلالنا

اكيد نحنا سميناه في الانجليزي يعني ستوريز يعني قصص وفي العربي من جيل إلى جيل، هاد المشروع احنا بلشنا فيه كفكرة، كتير في عنا احنا تاريخ محكي وتاريخ شفوي وعنا اغاني واهازيج وكل هاد الأشي وكل هاي الأشياء اللي بترجع لثقافة الشعب فاحنا منتعامل انو بهاد الدور من النساء لازم يطلع فبلشنا في فكرة هاد الموضوع انو يكون عنا ١٠ صبايا من جامعة بيت لحم من مدن وقرى ومخيم مسيحيا أو مسلمات هدول البنات راح يمرقوا في صيرووة ل ٨ أشهر مدة البرنامج وهاد البرنامج بهدف لتسليط الضوء على قضايا بتخصهم في بناء الثقة بين المجموعة ومطلوب من هدول البنات بعد ما اندربهم على التصوير وكيف يكتبوا رواية يعني مطلوب منهم كيف يلاقوا امرأة ممكن تكون العمة أو الجدة وممكن تكون رئيسة بلدية سابقة أو مناضلة ويكتبوا قصتها وموسستنا راح تتبنى هاي القصص ونطبعها ونفتتح فيها مع صور وكل وحدة راح تصورها وراح نثير هاي القصص ونفتح فيها معرض.

اكيد يعني هاد أهم اشي عنا، يعني راح تلهم النساء والبنات نفسهم وراح تلهم ناس في جيلي ناس بتهتم في الثقافة وناس تهتم في التاريخ وفي الأصالة فبتخيل من خلال هذه الصيرورة اللي فيها معنا الصبايا وكمان لما يقابلو النساء هما اكيد راح يشوفو اشي كتير وكديش المرأة في الها دور في حماية هذا التاريخ والتراث في الشغب الفلسطيني فاكيد راح يعود عليهم بالفائدة ويمكن هما يلهموا خواتهم والمجتمع وصاحباتهم والبيت

يعني منلاحظ انو اه موجة العنف اللي بتتعرضها فلسطين واضح نوعا ما انو الناس اللي بتزيد عليها العنف بتطبق العنف بقدر اقول من سنة ال ٢٠٠٠ سنة الانتفاضة اه ازداد العنف الأسري والعنف ضد المرأة والعنف بشكل عام يعني مكانش في عنا مشاكل تصير هالقد بالشارع مكناش نسمع عن قضايا قتل بس صرنا نسمع عنها بشكل عام زاد ومنحاوا دايما نتحداها لانه المرأة هي الأخت والمرأة هي الأرض والتاريخ هي المعين وهي ام الشهيد المناضل فمنحاول منحد من هاي الآفة المجتمعية لأنها هي مش بعاداتنا ولا في تقاليدنا فاحنا منسلح المرأة بشاهدتها وكديش هي تكون عارفة عن حالها نفسيا وجسديا حتى لا تتعرض لهذا العنف في المستقبل.

يعني هو أهم اشي يعني منعرف انو حتى تاريخيا المرأة هي اللي كانت تقوم بكل أعمال الأرض والرجل يرعى الغنمات ويرجع هي اللي بتدرس الاولاد هي اللي بتربي هي اللي حافظت على تاريخنا الشفوي من موسيقى وأغاني وأمثال شعبية من تطريز ومن جمعيات نسوية، المراة هي كل اشي هي الأرض وبالنسبة الي بشوف انو اجا الوقت انو نفتح المجال ونعطي النساء الدور.

يعني بعتمد كديش المرأة عندها قوة وحرية في التعايش والتعامل مع الناس من ناحية تدرس وتطور وتشوف وظيفة الأشي كمان يختلف من مجتمع لمجتمع سواء قرية أو مخيم أو مجتمع صغير، احنا مجتمع متنوع وبقدر اقول انو وضعنا غير يعني المرأة الفلسطينية هي امرأة عاملة وقادحة وامرأة بتشغل مناصب عالية جدا في المجتمع في عنا مدراء بنوك ومدراء مدارس ومؤسسات ومؤسسات حقوق انسان وبتخيل كمان المرأة بتقدر تكون اكتر وتقود اكتر في المجتمع.

ما بقدر احكي انو ممكن يقوي المجتمع بشكل عام بس انا بني آدم إيجابي بامن في اشياء صغيرة وتغييرات صغيرة ممكن تختلف وانا عندي مجموعة ١٠ بنات بتخيل هدول راح ياثروا في اللي حواليهم من خلال المعرض اللي راح يعملوه انو راح يدعو صاحباتهم وقرايبهم فاكيد راح يخلق تغيير حتى لو كان صغير لأنه مرات التغيير بزرة احنا منرميها ومرات ما منعرف ازا راح تطلع المرأة أو لا فأنا بني آدم إيجابي وانا بامن انو هدول الصبايا راح يطلع منهم اشي معين.

يعني المرأة الفلسطينية زي ما حكيت هي مرآة عاملة وقادحة وامرأة تشغل مناصب كبيرة يعني بشوف انو في عنا نقص في القيادة النسوية في المجال الحكومي وبشوف انو قصة الكوتة صار اشي قديم انا بشوف انو لازم يكون في اكتر نساء تقود وزارات ممكن تقود رئاسة وزارة أو رئاسة في المستقبل ورئاسة البلديات والمحافظات يعني هون بشوف انو المرأة لازم يكون في تركيز عليها وفي القطاع الخاص بقدر اقول انو معظم النساء ولكن في القطاع الحكومي لازم يكون في دور للنساء أكبر من هيك لانه زي ما حكيت إذا هما حافظوا على تاريخنا الشفوي والمحكي والجزء الثقافي كبير منو لازم نعطيه للمرأة.

انا كتير متشجع لشو بدنا نجمع قصص لانو نوعا ما انا كلاسيكي وانا كتير بني آدم منغمس في تاريخنا الفلسطيني كشعب من أغاني ومسرح وكتابة واهازيج وأمثال شعبية وتطريز فهاد الأشي انا اللي بحبو في الوطن فبتخيل انو انا كتير بستنا استني شو بدي اقرا قصص راح تطلع من هدول الصبايا اشي نضيف لمعرفتي واكون شاكر لهم.

انشالله إذا ضلت الأمور زي ما هي ثابتة احنا منعرف انو عشان الوباء يعني كتير بتصير على كل مناحي حياتنا، بس احنا منتامل الوضع يضل ماشي هيك والمعرض يكون في نهاية شهر ٧ بهاي السنة ان شاء الله.

بحب هاد الشغل لاني انا بني آدم زي ما حكيت بحب اي اشي يسعى لتثبيت الهوية الفلسطينية ولنقل ثقافتنا من جيل إلى جيل هاد شغل بشرفني اني اكون جزء منو لاني انا بالآخر هادي هويتي الثقافية كفلسطيني فبحب هاد الشغل وانا بني آدم إيجابي وبامن في التغيير انو القوة في ايد المرأة.

على الفيسبوك holly land trust والويبسايت www.hollylandtrust.org

 

More from اخبار الحياة

ﻗﺎﺋﻤﺔ ﺍﻟﻤﺮﺍﺳﻼﺕ

اتصل بنا

  • بريد الكتروني studio@radiohayah.ps
  • هاتف (970) 022777019