يعرض الآن

My Life Vip-Hnst-T
ﺍﺳﺘﻤﻊ ﻟﻠﺒﺚ ﺍﻟﻤﺒﺎﺷﺮ

كلية دار الكلمة

التعليم

Listen in English

رادية الحياة قابل الدكتورة نها خوري من كلية دار الكلمة، دكتورة نها شو هيا دار الكلمة ؟

كلية دار الكلمة الجامعية للفنون والثقافة مؤسسة تعليم عالي تم اعتمادها من وزارة التعليم العالي الفلسطينية في عام 2006 وتم اعادة اعتمادها في 2016 ككلية جامعية تمنح شهادة البكالورويس بالاضافة لشهادات الدبلوم الاكاديمية وشهادات الدبلوم المتخصص

 

شو هي رؤية الكلية ؟

 

الكلية بتشوف رؤيتها لتكن لنا حياة ولتكن افضل انو احنا كفلسطينيين من خلال الفن المرئية والادائية والثقافي منشوف انو كفلسطينيين حياتنا يجب ان تكون افضل وانو احنا عنا مهمة تعليمية واللي هي تقديم فرص تعليمية للطلبة الموهوبين في التخصصات اللي عنا اياهم واعطاء فرص لهدول الطلبة بالدراسة وايجاد فرص عمل وبالنهاية عودتهم لمجتمعاتهم  لتحسين حياتهم ةتحسيت حياة المجتمع بشكل اوسع

 

شو هي نوع الفنون اللي بتقدموهم ؟

 

زي ما حكيت احنا مندرس الفنون المرئية  والفنون الادائية، الفنون المرئية منحكي عن السينما الفنون المعاصرة فن الديكور الجرافيك ديزاين الموسيقى المسرح تصميم مجوهرات وطبخ منعلم كمان وكل الاشياء الفنون اللي ممكن تكون موجودة وعم منحاول انو احنا نجيبها ونعتمدها

 

هي في كتير من الفن والثقافة الفلسطينية ؟

 

طبعا هاد احنا اللي منراهن عليه انو فلسطين فيها فنون وثقافة بترجع لعصور قديمة مهمتنا تجميه هذه الفنون و وضعها في اطار اكاديمي يعني احنا مش منقول انو احنا بدنا نخلق الفن لا احنا اللي منحاول نعملو كل الفنون والثقافة نوضعها باطر اكاديمية حتى نصير نطور على فنوننا ونصير كمان منتجين للثقافة احنا نتجنا ثقافة على مر العصور ولازم هاي مهمة مش لازم نتخلى عنها مش المستهلكين للثقافة وللفنون وقدامنا مهمة اللي هي جزء منها يكون النا مساهمات حضارية وثقافية وفنية واحنا من خلال عملنا كمؤسسة تعليمية تعنى بتطوير مجالات الفنون انو نقوم بتدريب طواقم شباب وصبايا متعلمين واعيين عن الاشياء اللي منحكي عنها فلسطينيين وغير فلسطينيين واضا الفنون العالمية احنا جزء من العالم ومهمتنا انو هدول نحطم في السوق حتى ايضا ثقافتنا وفنوننا لا تندثر لانو بصير في حدا بدو يسرقها ويقول انو هاي فنونه احنا اليوم صراع مش بس على الارض وبجوز هو اهم اللي هو صراع الهةيو واكيد اهم اشي بالهوية هو الفن اشي اساسي بتشكيل الهوية

 

ليش وسائل الاعلام اشي مهم ؟

 

الاعلام كتير مهم بفلسطين والعالم اليوم احنا عايشين العالم كرمالو بيصغر اللي بصير في فلسطين بنعرف بعد 5 ثواني في الصين ازا الكل قاعد على الانترنيت اليوم احنا الحضارة المرئية والمسموعة متوفرة بسهولة انترنيت فيسبوك نيت فليكس التلفزيون الجزيرة سي ال ام فلسطين بالنسبة الها يعني خلينا نحكيها بهالطريقة لعقود القصة الفلسطينية عمالها تنحكا حدا تاني اما عدو او صديق لكن افضل حدا ممكن يحكي قصتك هو انتا اذا احنا معنيين نحكي قصتنا لانفسنا للتاريخ وللعالم الخارجي احنا لازم نحكي قصتنا بلغتنا بوسائلنا بالطريقة اللي احنا بدنا نحكي فيها ثصتنا مش احدا بدو يسمع هاي القصة واليوم عنا طريقة انو من خلال السينما من خلال الراديو والفيسبوك والانتاج الفكري والثقافي والفني منقدر نحكي قصتنا عيب نترك حدا تاني يحكي قصتنا اذا احنا قادرين واليوم احنا اعضاء في اليونيسكو وشو معناة اعلام معناه انا بدي احكي قصتي وانقلها لاكبر عدد ممكن من الناس حتى من ناحية قضية عادلة وقضيتي انا بدي افرجيها وبستخدم وسائل الاعلام كافة حتى اوصل قضيتي واحنا قادرين انو نستخدم وسائل الاعلام وننتج ونوصل هاي القضية وممنوع انو ما نستخدم اي وسيلة ممكنة حتى العالم يتفاهم معنا ونتفاهم مع الناس والعالم لانو احنا جزء من العالم انو احنا مش بخلاف مع العالم احنا بدنا نتشابك مع العالم من خلال الاعلام

 

ديار من ضلوع الكلية بتقدري تحكيلي اكتر عن ديار ؟

 

ديار هي الذراع المجتمعي لكلية دار الكلمة طبعا المستمع العربي بيفهم شو معنى الديار ولكن في قصة بداية كلية دار الكلمة كانت موجودة في دار الندوة ودار الندوة هيا مركز ثقافي موجودة في بيت لحم القديمة ودار الندوة في ثصة الها علاقة في عم النبي وانو هاي كانت الدار كضيافة يجوها من كل القبائل حتى يحتكموا عند جدوا للنبي ويحلوا مشاكلهم فتم اختيار هذا الاسم بمعناه هذا مكان للجميع في نص البلد وهي في حارة الفواغرة لكن هاي الدار نتج عنها اكثر من دار ولانو ار في اكتر من دار صار لازم يصير اشي اسمو ديار لكن هذا الحل لما صرنا سنة 2013 في مرحلة جامعية العنوان الاكبر صار حتما لازم يكون كلية جامعية لكن ديار بقيت الذراع المجتمعي اللي بوصل الكلية وعملها ورسالتها الى المجتمع بكافة الاشكال الا من خلال النساء والاطفال والكبار في العمر والعمل على مستوى اقليمي او على مستوى عالمي

 

احكيلي اكتر عن العمل اللي بتقومو فيه للاطفال والنساء ؟

 

الناسء هي جزء اساسي من عملنا وهاد دائما كان في عملنا منذ البداية ودائما كان في مكان للاطفال لانو احنا منشوف انهم المستقبل ودائما كان في مكان للنساء لانهم بستاهلوا الافضل مش لانو رجالنا من بتستاهل ولكن النساء هما المهمشين في مجتمع مجتمع محافظ فبيستاهلوا انهخم يتم التركيز عليهم وبالنسبة للاطفال عنا برنامج تعليم اكاديمية للاطفال من خلال الاكاديمية احنا منعلم الرقص والدراما والرسم وكمان في جزء مهم في الاكاديمية اللي هو فريق كرة القدم للصبايا الناشئات الطفلات واللي بدرهم الصبايا الاكبر وهو الفريق النسوي للديار وهو وطني ماخد جوائز والخ... فمنعمل مع الناسء اشياء مش تقليدية متل الرياضة منشتغل مع النساء ومع الرجال لحد ما في برنامج والكبار في العمر الهم برضو برنامج بنعمل الهم تثقيفي صحي الخ... في برنامج اخرى للنساء تطرح كل فترة وفترة لكن احنا منشتغل مع النساء كقطاع ومنشتغل مع الاطفال والشباب في التعليم المستمر والتعليم المستمر جزء منو اللي بستخدم الثقافة كوسيلة للتعبير عن الذات والتواصل وطبعا هدول منشتغل معاهم خريجين جامعات فلسطينية من جنين شمالا لحد الظاهرية جنوبا وهدول طبعا مش طلاب كليتنا مع انو طلاب كليتنا بيقدروا يلتحقوا بهاي البرامج فهما هدول الديار اللي منشتغل معاها

 

بما انكم مؤسسة مسيحية هل عندكم تناغم ديني ؟

 

احنا مؤسسة تحت اطار الكنيسة الانجليلية الموجود في الاردن وفلسطين لكن احنا لا طائفيين في روحنا وتعاملنا في اشي احنا منعملو كمؤسسة طلبتنا مسلمين مسيحيين اساتذتنا مسلمين مسيحيين وادارتنا مسلمين ومسيحيين المعيار لدخول الكلية الجامعية مش الدين مش الطائفة ومش المعتقد السياسي المعيار هو الكفاءة والقدرة وبالنسبة للطلاب هو الموهبة الكامنة انو هل من شوف انو الطالب عندو امكانية من تطوير المكان اللي هو بختاروه هاد هو المعيار وممنوع منعا  قاطع اثارة النعرات الطائفية والسياسية والدينية هاي من المحظورات والممنوعات واي طالب او طالبة او ستاذ واستا1ة يثير هذا النعرة ما في الو مكان في هذا المكان احنا منحاول انو نخلق نموذج اللي احنا نؤمن فيه وانو المواطنة هيا الاساس يعني المواطنة الفلسطينية بغض النظر عن الانتماء الديني والعائلي هي المعار للحقوق والواجبات وبنفس هاي الطريقة احنا منشوف انو الكفاءة والموهبة والقدرة هي المعيار للطالب او الاستاذ او الاداري انو يكون متواجد في هذا المكان اذا في الالزام والقدرة انو عندو الموهبة والشغف اوازا فش فهاد المكان مش للناس اللي بتفكر انو بناءا على انتمائتها الدينية العائلية والسياسية فمكانهم مش هون مكانهم خارج اسوار هذا المكان

 

هل بتقوموا بصنع فرق في المجتمع ؟

 

احنا منفكر انو احنا منحاول انئثر في انو نكون تاثير ايجابي في المجتمع وانا شخصيا بشوف انو كل خريج من كلية دار الكلمة الجامعية هوا سفير لهذا المكان وبيحمل كل الشغلات الايجابية وبيحمل الانتماء والاعتزاز بهويتو الفلسطينية وبيحمل الاشياء اللي تعلمها اما اكاديميا او من خلال التعامل معاه او معاها الرقي في التعامل او التفاعل مع العقل والشباب والصبايا كلهم مشاريع اسمها مشاريع الحياة كلهم بحملوا رسالتنا كل واحد فينا لما بيتخرج بكون مثلنا الاعلى في هذا المكان هوا اللي راح ينتجوا الاثر وبما انو احنا مؤسسة تعليمية هاد الاثر مش بليلة ولكن احنا راح نشوفو على مدى السنين ولكن احنا بلشنا نشوفو من خلال انجازات طلابنا وكيف عمالهم بفرجوا المجتمع في الخارج مين احنا ومهمتنا لن تنتهي مهمتنا مهمة مستمرة ومتتالية واثرنا مش اليوم وبجوز مش بكرا ممكن للسنين القادمة

 

شو هي صلاتك للكلية ؟

 

انا امنيتي للكاية بشكل عام ولكن للشباب والصبايا اللي هما الاساس في هذا المكان وصلاتي انو يكونوا عيونهم وقلوبهم مفتوحة لكل الاشياء لانو بس هيك بتكون حياتهم كاملة وبتمنى منهم انو كل صبية وشب يكون عندهم كل الفرص ويكون عندهم القدرة انهم يعملوا قرارات، عملوا قرار صح او خطا مش مشكلة المهم يكون عندهم فرص انهم يعملوا فرص وقرارت

More from اخبار الحياة

ﻗﺎﺋﻤﺔ ﺍﻟﻤﺮﺍﺳﻼﺕ

اتصل بنا

  • بريد الكتروني studio@radiohayah.ps
  • هاتف (970) 022777019