يعرض الآن

My Jesus, I Love Thee-The Longing
ﺍﺳﺘﻤﻊ ﻟﻠﺒﺚ ﺍﻟﻤﺒﺎﺷﺮ

مساعدة المصابين بالتوحد

راديو الحياة متحدثا مع علاء

Listen in English

هذه المقالة مأخوذة من مقابلة اذاعية

راديو الحياة قابل علاء حلايقة من مؤسسة راسيل لرعاية الاطفال التوحد ، علاء شو هيا جمعية راسيل هي جمعية متخصصة في علاج اطفال التوحد وصعوبات التعلم وتاسست عام 2017 عمليا احنا صرنا منشتغل تقريبا 10 شهور في هذا المجال والحمدلله قدرنا خلال فترة بسيطة نوخد ثقة العديد من الاهالي في الجمعية

 

ايمتا بلشتو في مؤسسة وليش ؟

 

ابتدانا في العمل قبل 8 شهور او 9 شهور شهر 10 العام الماضي وانطلقنا بناء على مسح موضوع رعاية اطفال التوحد في فلسطين بشكل عام والانطلاقة جاءت بناء على مخرجات هاي الدراسة انو هنالك لا يوجد تخصصية في موضوع علاج اطفال التوحد في هاي البلد ولا يوجد مؤسسة متخصصة في مواضيع الاتاهيل بشكل مباشر لاطفال التوحد بطريقة او باخرى فاتفقنا في جمعية راسيل حتى نوجه خدماتنا للاهالي حتى كل طفل من حقو يوخد جلسات تاهيل فردية في هاي الجمعية وبالتالي كمان انو يكون في هناك نقلة نوعية في موضوع توحد الاطفال في فلسطين من خلال نقل هاي الجمعية من خلال انو نقلنا الخبرات الموجودة في القدس للضفة الغربية من خلال المعالجين الاخصائيين اللي بشتغوا في مراكز داخل القدس حتى ينقلوا هاي التجربة للضفة الغربية ونشوف طرق حديثة للعلاج غير الطرق الموجودة سابقا

 

كيف بتعملوا على زيادة الوعي بخصوص مرض التوحد في فلسطين ؟

 

في بداية عملنا ومن خلال الدراسة لاحظنا انو هناك ما في وعي كامل لموضوع التوحد فكتير من الاهالي في عنهم مشاكل في موضوع انو ابني في عندو توحد او ما بعرف كيف يتعامل مع هيك حالات جزء منها عادات وتقاليد جزء منها بفكروا انو هناك طفل مصاب بمرض لفترة معينة انو يشفى الوعي لا يوجد وعي كامل في الايات التعامل مع هيك اطفال لا يوجد جهاز قائم بهذا الدور بشكل او باخر بشكل كبير يقابلها اعداد هائلة من الاطفال مصابة بمرض التوحد بفلسطين حسب اخر دراسة لمنظمة الصحة العالمية في منطقة الشرق الاوسط انو هناك طفل من بين 68 طفل في فلسطين مصاب بالتوحد يعني الرقم تجاوز ال8000 حالة عنا في فلسطين

 

هي في رفض وكتير سوء فهم خاصة لما بتعلق الموضوع بالتوحد ؟

 

كتير في هناك مشاكل حتى يعرفوا شو هو مرض التوحد لانو مش معروف شو السبب وبعتقدوا هما مرات انو عبارة عن طاقة زائدة بعرفوا مرات انو في مشكلة في الولد في السمع او في انو ما بعرف يحكي او هاي التفاصيل فكل جهودنا اللي منشتغل فيها كمان اهداف الجمعية هو موضوع التوعية داخل رياض الاطفال داخل المراكز داخل المؤسسات اللي بتتعامل مع الاطفال انو في مرض اسمو التوحد او في طيف اسمو التوحد وهو مش مرض وهو طيف اسمو توحد اللي ممكن انو نشتغل على موضوع التاهيل الاطفال المصابين فيه لايوجد علاج مية في المية لكن هناك برنامج تاهيلي ممكن انو يساعد الاطفال انهم يندمجوا في المجتمع وانهم يتواصلوا مع المحيط معهم داخل الاسرة داخل المركز داخل اي جهة بشكل عام يعني

 

هل التوحد مقبول بالمجتمع ؟

 

طبعا لا غير مقبول لانو الناس بطلعوا للطفل التوحد بموضوع انو مريض بمرض ما في الو شفاء جزء منو بفكرو انو من اعراض انو يكون منجولي او اعراض يكون عندو خلل عند الطفل هادا بسببلو دايما مشاكل فهيك طفل التوحد مش مقبول في المجتمع وهو اللي باثر في دورو عل اهل كمان الاهل بخافوا انو يحكو في عنا طفل توحد جزء منو بقلك انو هو سبب وراثي وسبب باثر بكرا على حياة اخوتو في موضوع الزواج في موضوع الارتباط فهاي كلها لقلة الوعي الموجودة عند الاهل والمجتمع حول طيف التوحد

 

هي في كتير من انواع التوحد ؟

 

طبعا في انواع عدة للتوحد في مستويات عاليو مستوى منخفض ومستوى لا يمكن العمل عليه مية بالمية فبكون هناك صعوبة التعامل مع هيك حالات وفي المسنوى البسيط اللي ممكن انك تشتغل على موضوع التاهيل بجلسات مكثفة من خلال جلسات علاج وظيفي وحسي ونطق وتواصل وممكن اتساعد فيها الطفل وتشعر انك بتحسن على حالتو وفي حالات صعب خاصة لما يكون متقدم في العمر يعني لما الطفل يتجاوز العمر 8 سنين 9 سنين بكون في هناك دايما في صعوبة انك انتا تشتغل على موضوع تاهيلو غير عن طفل عمرو 3 سنين هو اصغر فتاهيلو بكون اسهل وبتلمس التغيير عليه بشكل اسرع من الطفل الاكبر

 

هل الناس المصابين بتوحد بقدروا يشاركوا بدور فعال في المجتمع ؟

 

من ضمن اهدافنا في الجمعية هو كمان رفع الوعي وكمان موضوع انو نشتغل على دعم هاي الفئة وانهم يوخدوا دور في المجتمع من خلال انهم هما يلتحقوا في برامج تاهيل مش شرط في راسيل بل في مراكز تانية انهم يشعروا في الطفل هادا يتعاملوا معه مش على سلوكو يتعاملو معو كطفل الو حقوق و يوخد رعاية صحية مش بناء على سلوك اذا كا هو عنيف او كان دايما بعلي صوتو او بضرب او من التفاصيل هاي او طاقة زائدة لا يتعاملوا معو كطفل بحاجة لرعاية بحاجة لحا يفهمو بحاجة لحدا يتواصل معو وبقدر يوخد دور والضغط الاكبر من الاهالي ، الاهالي هما بعطوه هاي المساحة والاهمل بقدروا هما كمان يوخدو دور في المجتمع انهم يضغطوا على جهات حكومية وجهات دولية انو يكون في هناك اهتمام اكثر في اطفال التوحد وعلاجهم بفلسطين

 

هل تشخيص الحالة في اول فترة افضل لحياتهم ؟

 

طبعا احنا مناكد دايما انو ضروري يكون في هناك كشف مبكر على اطفالهم زي ما بكون في مرات زيارة لطبيب انو يشوف ابنو ازا في عندو حرارة موضوع فحص الدم فحص الاعضاء هاي التفاصيل كلها ضروري يكون في هناك اهتمام كموضوع انو يكون في تشخيص مبكر لاطفال التوحد لانو كل ما كان الطفل اصغر وكشف حالتو وهو بعمر اصغر سهل انو كمؤسسات عاملة في هذا المجال انو نشتغل على موضوع تاهيل او رعاية بشكل افضل ونلمس التغيير عليه بشكل افضل لانو كل ما تاخر بكون في صعوبة في انك ترجع تعيد تاهيلو في المجتمع لانو بكون اكتسب سلوكيات خلال فترة هاي خطأ فبالتالي بتعود في سلوكيات خطأ على اهلو في التعامل مهو عل مجتمع فكل ما كان اصغر كل ما كان افضل لعلاج

هل لازم تعملوا مع الاهل وادربوهم احنا في الجمعيو هون كمان في عنا لقاءات دورية مع الاهل بشكل جماعي او بشكل فردي كل يوم بيجو الاطفال عنا في جلسات فردية الجلسة هاي للطفل وللاهل في جلسات بمقدار 5 دقائق او 10 دقائق تقعد مع الاهل تعطيهم بالزبط ايش المخرجات ايش الانشطة ايش يتبعوا في البيت مع الاهل وانو نوعيهم بشكل مرات من خلال معالج نفسي موجود في الجمعية من خلال برنامج الدعم عنا هون للاهالي كيف يتعاملوا ويطلعوا اطار موضوع الانكار انو الطفل مصاب بمض التوحد ونقدم دعم نفسي لابنو انو كيف يشارك ويتعامل معه في البيت الايت جديدة يشوف كيف يدخل الاهل عل جلسة ويشوف كيف الاخصاء اللي بتعامل مع ابنو وهو ينقلها هاي التجربة للبيت لاخوتو للمحيطين للطفل حتى ما يكون في هناك انقطاع ما يكون في فجوة بعدين الطفل شو بوخد وبين الحياة اليومية

 

هل بتقوموا بدورات تدريبية و تعليمية للتوحد ؟

 

احنا طبعا الجمعية خلال الفترة الماضية دربنا 15 طالب جامعي بشكل مباشر من طلاب جامعات فلسطين المحيطة مثل طلاب الجامعة الامريكية طلاب العلاج الوظيفي هناك منسقبل منهم كل فترة وفترة اعداد عنا في التدريت بالاضافة لطلاب من جامعة القدس المفتوحة وطلاب من جامعة بيرزيت من تخصصات مختلفة ذات علاقة في موضوع عملنا وفي مجال عملنا فاحنا منستقبل دايما موضوع التدريس وموضوع نوصل للمرحلة هاي حاليا وحصريا منشتغل على موضوع تدريبهم من خلال الخصائيين اللي مووجودين عنا من خلال تدريبهم ومنتامل في التفرات القادمة يكون في عنا قدرة كمجعية نقدم موضوع التوحد في برنامج كامل متكامل انشاء الله

 

هل بتروحو للمدارس ؟

 

طبعا احنا في بداية المرحلة الاولى كبداية عمل الجمعية كنا بحاجة نحكي ااناس عن نفسنا من خلال نزور مدارس خاصة وكان الموضوع اسهل لالنا زرنا مدارس خاصة زرنا مراكز خاصة مع الاطفال وبعض المدارس اللي في القرى المهمشة والمراكز اللي بتتعمل مع الاطفال في المخيمات ومن خلال هون في منطقة رام الله في البداية ومن خلال بلشنا نوعي على اهمية الكشف المبكر لاطفالكو مراقبة سلوك ابنائكو وزيارة الجمعية والتوعية على موضوع التعامل مع الابناء ذو الطاقة الزائدة العنيد او ما برد علينا كيف انو ضروري يزور دكتور اعصاب او دكتور متخصص حتى هو يطلع بتقرير كامل عن ابنو وبالتالي يتوجه عل جمعية عنا حتى نقوم بوضع برنامج وخطة عمل علاجية للطفل خلال الفترة القادمة

احكيلنا اكتر عن برنامج تاهيل الاطفال المصابين بالتوحد

جمعية راسل ادخلت تقنية جديدة في التعامل مع الاطفال وهي تقنية اسمها دي اي ار واللي هي تامن في فروقات فردية عند كل طفل ونقاط قوة عند كل طفل مصاب بالتوحد ممكن انو ينعمل عليها حتى يندمج مع المجتمع بشكل افضل وهاي نقطة القوة هي اللي منشتغل عليها في برنامج راسيل حتى نساعدو في التاهيل نساعدو في انو يتعرف عل محيط تبعو يتعامل مع الاشياء بشكل حسي بشكل تواصل بصري بشكل وظيفي سلوكي اكثر تقنية هاي من خلال جلسات فردية مدة الجلسة 45 دقيقة من ضمنها جزء للاهل كمان العلاج عنا بشمل طبيعي وحسي ووظيفي ونطق وقبل المدرسة التاهيل الاكاديمي للطفل اللي بكون عمرو 4 سنين 5 سنين من خلال المعرفي والاكاديمي ومنسعى قدر الامكان كمان نقدم الخدمات تتوسع اكثر ان شاء الله للمرحلة القادمة بموضوع الدمج من خلال غرف فية اذا كان في احتياج لهاي النقطة في منهجية العلاج لكن احنا حاليا منركز عل جلسات الفردية لانها هي اللي اثبتت نجاحها انها تشتغل مع الطفل من خلال جلسات فردية وبتشتغل معو فردي وبتدمجو في صف وراح يرجع يفقد اللي اشتغلو مع الاطفال بمستويات مختلفة من الطيف التوحد بسلوكيات مختلفة بضيع اللي اشتغلت معو بكل فردي فيفضل دايما عنا في الجمعية بشكل فردي بشكل مباشر والمنهجية هاي الحمدلله لاحظنا كثير قصص نجاح عنا في الجمعية خلال فترة بسيطة في اطفال على مستوى النطق صاروا ناجحين عنا وبلوا يحكوا في بداية الكلمات على مستوي في العلاج الوظيفي في هناك كثير سلوكيات تم تعديلها من خلال العلاج الوظيفي انو صاروا يجونا فيد باك من العلاج انو كان ابني ما ينان صار ينام كان ابني كتير حركة صار حركة كان ما يعرف يوكل لحالو صار يعرف يوكل لحالو بعض السلوكيات اللي منحلاحظها على اطفال التوحد كان ما يرد علي وصار يرد علي لانو اختلفت طريقة المنادة والتواصل مع ابني كان ما يتواصل معي بصريا صار جزء يتواصل معي بصريا يعني صار يندمج مع اخوتو بشكل بسيط بعد 6 اشهر من العلاج صار في ناس يلاحظو نجاح هاي الطريقة ونجاحهم في التعامل مع ابناءهم وهذا بقود نجاحنا احنا واللي مخلينا اليوم منقدم خدمات تقريبا 40 طفل في الجمعية وبمستوى نجاح ولولا ثقة الناس وشعورهم انو في تغيير على ابناءهم ما استمروا معنا من شهر 10 لغاية اليوم

 

هل العلاج بالموسيقى مهم ؟

طبعا هاي التقنية مستخدمة في القدس اكثر وعنا مش مستخدمة كتير وهي بحاجة الى معدات اكثر وبحاجة لناس خبرة ليتعاملو معها وللاسف فلسطين ما كان في تركيز على موضوع التوحد وجديد صار في تخصصات في اخر 5 او 6 سنين صار في عنا تخصصات مهتمة بموضوع التوحد من خلال العلاج الوظيفي من خلال الموسيقى من خلال الحيوانات او من خلال السباحة او من هاي التفاصيل وهاي الاشياء الجديدة لكن تقصنا الخبرة كيف انطبقها وهاد اللي منسعى لالو في السنوات ندخل خلال الموسيقي من خلال الحيوانات وبرق السباحة كل الاشياء اللي يمكن استخدامها وتفيد اطفالنا احنا ممكن من خلال ضمن الخطط الاستراتيجية نشتغل عليها ان شاء الله

 

هل بختلفوا الاطفال عن بعضهم في الصعوبات ؟

 

كل طفل من خلال عملنا احنا بختلف من طفل لطفل لانو كل طفل بحاجة لخطة علاجية مختلفة في اطفال بكونو بحاجة لجلسات اطول وظيفي ونطق في اطفال بكونو بحاجة لاطول نطق من الوظيفي في الحسي مرات بكون بحاجة لبعض الاطفال فكل طفل بختلف فهاد هو ايماننا نحنا في ال دي اي ار واللي هي الايمان بالفروقات الفردية بين الاطفال اللي بتعمل تغيير عليهم انك انتا بتشوف النقاط الفردية عند الطفل وبشتغل عليهم حتى تقيس النجاح اذا بدنا نتعامل مع اطفال التوحد بنفس الطريقة مش راح تلاحظ الاشي كتير عليهم ولكن راح يكون في هناك تغيير كتير لانو كل واحد فيهم الو سبب معين من قبول المهارات وقبول المعلومات اللي بتصلو وقبول المفاهيم كل واحد بعاني منهم بطريقة او باخرى بالاختلافات اللي بتحد من نسبة دخولو او اندماجو لبرنامج التاهيل

 

هل تشخيص الحالة صعب ؟

 

احدا المشاكل اللي منعاني فيها احنا هون كفلسطينيين انو ما في عنا لجنو وطنية معتمدة لموضوع تشخيص الطفل واطفال التوحد بكون في هناك مشكلة عند الاهل انو في ناس بحكولهم ابنك في عندو توحد وناس بحكو ابني معندوش توحد في ناس بحكولو ابنك عندو خلل جيني كل واحد بحكي من جهته لكن لازم يكون في هناك لجنة واليوم ضروري يكون في طبيب اعصاب يطور نموه ضروي يكون في هناك وظيفي ضروري يكون في نفسي واكاديمي حتى انهم يقدرو يوخو قرار لموضوع التشخيص احنا في جمعية راسيل الحمدلله قدرنا نتعامل مع طبيب خارجي اعصاب اللي هو بقدر يعطينا تقرير للاعصاب بالاضافة عنا تشخيص داخلي على مستوى الوظيفي على مستوى الحسي ومستوى النطق ومستوى الطبيعي اللي من خلال منقدر نعمل تقرير كامل عن كل حالة طفل ايش بحتاج وايش اللي بدو اياه وبعد هيك اللجنة بعد التشخيص بتجلس مرة تانية وبتحط الخطة العلاجية لكل طفل انو هو بحاجة ل 20 جلسة بالشهر هو بحاجة ل 10 جلسات و 10 وظيفي و 10 حسي و اتنين نطق يعني كل خطة مختلفة عن الاخر فمشان هيك التشخيص عنا مشكلة في البلد فلازم اهل الطفل ينتقلوا من مركز لمركز واخصائي ومنتامل يكون في هناك لجنة وطنية متخصصة ومعتمدة بوزارة الصحة الفلسطينية بموضوع تشخيص اطفال التوحد

 

هل العائلات تشعر بالخجل لانو اطفالها عندهم مرض التوحد ؟

 

بعض الاحيان يخجلوا من اطفالهم ويكون عندهم هم ومشكلة كبيرة في البيت في مشكلة التوحد لانو فعلا الية التوحد مع الاطفال يكون مرهق جدا اطفال يكون عندهم مشكلة في البعد الزماني والمكاني يكون يمارس كلشي حواله من زاوية واحدة بالشكل الخص فيه ودايما ما برد على الاوامر ومرات فب مشكلة مع الاطفال الطبيعيين بكون في مشكلة في التعامل معهم كيف اطفال اللي بعانو من اضطرابات سلوكية واعصاب فهاد بدفع الاهالي للخجل وكتير مرات بنكر انو ابنو معو توحد وابني معو اي شي اخر غير التوحد لانو فعليا ما في الو علاج مية فالمية كل جهود المئسسات هاي والمراكز بتساعد الاطفال انهم يندمجوا لحد 50 او 60 وبعض الحالات القليلة بتصل ل 80 بالمية مش بمية في المية كطفل طبيعي فدايما بشعر هناك في خجل وفي خوف في انكار للاطفال من النوع هيك فاحنا منحاول في هاي الجمعية نطلعهم من هاي الدائرة منتعامل مع الطفل كطفل مش كسلوك

 

هل لازم نعمل اعمال اكثر مقبولة في المجتمع ؟

 

منتامل يكون في هناك جهود اكبر لقبولهم في المجتمع هاد الاشي بحاجة لضغط اكتر من كل جمعيات العاملة في هاد المجال حتى يتقبلوهم في المجتمع ويخدمو الطفل اللي معو داون او ما بسمع او ما بشوف الي حقوقهم الهم دورهم في المجتمع الهم فرص والهم حياة يعني في ناس ما بشوفو وبشتغلو في مراكز ملائمة لاحتيجاتهم وملائمة لوضعهم ولهذا احنا منتامل لقدام شوي يكون في اهتمام اكتر لاطفال التوحد وبناء قدراتهم يعني اذا الطفل وصل 14 او 15 سنة هو بحاجة لبرنامج اخر تاهيلي اجمالا يكون في اطار مهني او اطار صحي امو يدخل في مجتمع كدور يعني مهن طبيعية لوضعو ممكن يمارسها بدون مشاكل

 

هل بتم دعمكم مالي عن طريق الحكومة ؟

 

المبادرة هاي تحد من المشاكل وهناك بعض التبرعات الاولى المتعلقة بموضوع الاثاث احنا لغاية اليوم ما في تمويل يغطي الاحتياجات الرئيسية منحاول نجيب تبرعات نوفر بعض المعدات والادوات والاجهزة للاطفال حتى نكمل برنامج العلاج الطاقم بقدم الخبرة هون بنسبة 50 في المية تبرع يعني الموضوع اكثر تحفزات مالية من انو عبارة عن رواتب لانو الهدف تبعنا خيري ومنحاول قدر الامكان نوصل باطار خيري ومن خلال هناك منتامل في واحد يفكر زي كانو كفالة يتيم انو يتكفل طفل توحد من خلال جمعية راسيل اللي فاتحينها احنا من خلال الاذاعة من خلال جهات انو يتكفي في طفل يتيم بتحكي انتا تقريبا 150 دولار ل 200 دولار الماكسيموم في موضوع الكفالة حتى نقدر نعطي احنا مقابلها من 20 ل 25 جلسة علاج وظيفي للاطفال وظيفي وحسي ونطق واكاديمي لكل طفل بيجي عنا هون فمنتامل يكون في حدا مامن بهاد الاحتياج ومامن في نفس او في روح الجميعة من الجهات الداخلية والخارجية والقطاع الخاص يدعمنا حتى نقدر نكمل المسيرة هاي حتى تكمل هالرسالة اللي احنا جايين عشانها انو نقدم خدمة لاطفال التوحد انو نقدم خدمة كل فترة بزيد احنا نطلقنا ب 5 اطفال اليوم عنا 50 طفل والعائدات منهم لعائلات فقيرة لا تكفي تغطي المصاريف الادارية ونكمل في احتياجات الجمعية

 

ليش بتقوموا بهاد العمل ؟

 

الموضوع هاد انساني والموضوع لما نطرات الفكرة كان اكتر عن انو في هناك احتياج فعلي كتير من الاهالي شفناهم 80 عائلة تقريبا كلهم زرناهم بشكوا وكانوا يقولوا ما في حد مهتم وما في حد مطلعلنا وما في حدا مركز في موضوع اطفال التوحد فلما انطلقت المبادرة انطلقت على اساس نفس انساني خيري وكتير نعرض علي اكون في مركز خاص نقدم الخدمة هاي بكون دخل و وضع مالي افضل لكن احنا ابينا انو يكون هاد الاشي خيري حتى نساعد كل الفقراء المحتاجين لعلاج اطفالهم وراسيل هي عنوانهم لانو الاطفال الاغنياء بتعالجوا برا البلد فحبينا نكون عنوان للفقراء والاسر المحتاجة واللي مامنين في فكرة اكتر وخدمة نوعية اكتر

 

شو هي صلاتكم للاطفال المصابيت بالتوحد ؟

 

بتامل من كل اسرة ابنها مصاب بالتوحد او بتشك انو في سلوكيات مش طبيعية لطفلهم انها تبادر في تشخيص حالتو وتبادر في زيارة جهات تعمل في هاد المجال وتزور اخصائي نفسي واخصائي اجتماعي تسالو عن حالة ابنو حتى يكون في هناك امل ينشغل على موضوع تاهيل الطفل يقدر يندمج مثلو مثل باقي الاطفال حتى لو كان بنسبة اقل ولكن على الاقل ممكن يقدر يتواصل معو بشكل افضل ورسالتنا للاهالي بشكل نهائي انو ما تفقد الامل في اطفالك وفي اطفال كتير بالعالم مصابين بالتوحد وفي شباب خلصوا دراسات جامعية وخلصوا دراسة ثانوية وهما مصابيت بالتوحد لكن تم العمل عليهم بقبل ذلك بكثير فكل ما كشفت بشكل ابكر عن ابنك مصاب بالتوحد ممكن العلاج بشكل افضل فهاي رسالتنا الاخيرة وشكرا الكو على المقابلة اليوم

 

شو موقعكو الالكتروني للناس اللي حاب اعرف عنكو ؟

 

الويب سايت تبعتنا هي : www.rasel.psوفي عنا صفحة على الفيسبوك اللي هي اكتر نشيطة في التفاعل مع الجمهور جمعية راسيل الخيرية ممكن للجميع يزورها ويشوف انشطتنا ويشوف برامجنا ويشوف الاشي من خلال الفيديوهات المنشورة ومن خلال التعليقات المنشورة بشعر كديش في هناك ناس مشاركين معنا احنا اليوم الحمدلله بخلال فترة بسيطة جدا الصفحة انطلقت بشهر 2 واليوم احنا بشهر 7 وهناك تقريبا 800 مشارك موجود معنا بهمهم موضوع التوحد ومامنين براسيل فمندعو الجميع يزور الصفحة يشوف شو احنا وشو منقدم وشو منعطي للاطفال ويكون في اتصال معنا بشكل مباشر على ارقام الجمعية الموجود في الصفحة

شكرا علاء وشكرا لاستماعكم لنا على برنامج احدث فرقا معي انا الياس كسابرة وانتا شو بتعمل حتى تحدث فرق في مجتمعك   

More from اخبار الحياة

ﻗﺎﺋﻤﺔ ﺍﻟﻤﺮﺍﺳﻼﺕ

اتصل بنا

  • بريد الكتروني studio@radiohayah.ps
  • هاتف (970) 022777019