يعرض الآن

Intoxication-Soulbox
ﺍﺳﺘﻤﻊ ﻟﻠﺒﺚ ﺍﻟﻤﺒﺎﺷﺮ

نادي اسود بيت لحم

صنع فرق

Listen in English

هذه المقالة مأخوذة من مقابلة اذاعية

 

ردو الحياة قابل هاني مراد من نادي الاسود

احكيلي هاني شو هو نادي الاسود ؟

 

نادي لايونز هو جزء من نوادي لاينوز العالمية في حوالي 43000 نادي  العالم وفي حوالي مليون ونص عضو في النوادي هادي واحنا جزء من هذه النوادي واحنا موجودين في بيت لحم ورام الله واحنا نتبع المنطقة 351 اللي هيا الاردن ولبنان وفلسطين والعراق

ايمتا بلشتوا شغل هون في بيت لحم

نادي لايونز الاولاني بلش في 1956 في الواقع ولكن وقفوا الشغل تبعهن بعد حرب ال 67 لانو كان اللايونز انترناشينول طلبوا منهم عدة حقوق بالمنطقة الاسرائيلية ورفضوه وكان اخر شغل الهم في ربيع 1968 و وقفوا الشغل بعدها احنا بلشنا شغل جديد بنادي لايونز بيت لحم سنة 2009

 

                                             كديش عندكو اعضاء هون ببيت لحم ؟

في عنا 41 عضو في نادي لايونز بيت لحم وموزعين على النادي الاساسي اللي هو نادي

 بيت لحم مدينة السلام وفي عنا النادي نجمة بيت لحم اللي في 9 اعضاء وعنا مبدئيا بداية للنادي القدس الشرقي اللي هو اسمو نادي لايونز في شرق القدس

 

شو هيا مهمتكو؟

 

اكتر شي احنا نادي نعني بالانسانية واحنا مندعم ومنساعد المجتمع تبعنا ، كل نادي لايونز بالعالم بساعد مجتمعه الخاص ومجتمعه هو فاحنا اقوياء في مجتمعنا ولكن في حالة لزوم وجود دعم اكبر بكتير من اللي احنا منقدر عليه في بيت لحم في انو نركن على اخوتنا في مراكز لايونز بالعالم ومؤسسة لايون العالمية في اميريكا

 

شو نوع المشاريع اللي بتقومو فيها ؟

 

منعمل عدة فعاليات ومزبوط احنا منعمل فعاليات عشان نطلع شوية مصاري ندعم مستشفى بعدة معينة مندعم اطفال بحاجة لادوات سمعية مندعم مدارس في بعثات للطلاب مندعم الفقراء في البلد المؤسسات اللي تعني بالمعاقين وهادي هي الشغلات اللي منعملها

 

هل في نوادي كتير للاسود في فلسطين ؟

 

في نادي تاني لايونز في فلسطين اللي هو نادي لايونز رام الله اللي بتدأ عمله وصار نادي من خلال تقريبا سنة ونص لسنتين وكان هو مبادرة من نادي بيت لحم لتاسيس النادي الجديد بما انو بصدا التاسيس بنادي في القدس ونادي تاني في بيت لحم احنا منحاول نعمل نوادي اكتر للايونز ومنشجع العالم انو رسالتنا توصل لاكب عدد من الناس

 

هل بتشتركوا مع مجموعات اسود تانية حوالين العالم ؟

 

اكتر الشغل اللي منشتغلو طبعا احنا واخوتنا في الدول العربية في عنا اجتماعات بتصير بكل عام للايونز كل العرب اسمها وهادي بتصير في شهر واحد والسنة هادي كانت في القاهرة وفي عنا نوادي لايونز من البحرين ودبي والاردن والعراق ما في كتير ولبنان ومصر وفلسطين طبعا والجزائر وتونس والمغرب كل الدول هاي بتجتمع مع بعض وبتتعلم من تجارب وحدة من الاخرى

 

هل هو امر مهم الكو انو تتقابلوا مع اماكن محايات حوالين المنطقة ؟

 

مهم جدا اواحد انو يلتقي مع لايونز تانيين بالعالم كلو مش بس عنا في المنطقة العربية يعني كمان احنا  منقدر انشارك في مؤتمرات اللايونزا الموجودة في العالم في مؤتمر لايونز سبعة ميداتيرين اللي هو في البحر المتوسط وفي عنل مؤتمر اسيا وفي المؤتمر الدولي اللي بصير كل سنة في محل معين بالسنة هاي راح يصير في لاس فيغاس في اميريكا والسنة الجاي راح يصير في ميلانو في ايطاليا ، احنا منتعلم كتير من خبرات بعض شو بتعملوا عشان ادخلوا مصاري وشو بتساعدوا هلا مثلا احنا بدنا ندخل تعلمنا بالقاهرة من اخوتنا بالاردن على شي اسمو لايون كويست اللي هو بعني في دعم المدارس لانو يكونو الطلاب اكتر انسانيين مش بس يكونو شاطرين في اللغات والرياضيات وما له من مجرة

 

هل هادا بساعد في تطوير قادة جيديين ؟

 

مهم جدا الواحد يربي قيادات جديدة طبعا مهم جدا جدا واحنا في عنا صور باللايون بكونو الناس قاعدين واطين فوق على بلاطة ومادين ايدهم لناس تانيين يرفعوهم لفوق القيادة مهمة جدا القيادة الحكيمة مهمة جدا القيادة الانسانية مهمة جدا واحنا ما منفكر بالانسانية في البلد مع الاسف الشديد

 

هل نادي الاسود معني في مساعدة المجتمع والتغيير؟

 

نوادي لا ينسوا العالم كلو تعمل لمجتمعاتها المباشرة فقط مبدئيا هلا ازا عندها اكتر من مساعدة المجتمع تبعها متل نوادي لايون الموجودة في الدول الغنية بساعدوا نوادي لايونز الموجودة في الدول الفقيرة ولكن هدف نوادي لايون الرئيسي هو كل واحد في مجتمعه

 

هل بدكم تشوفو اكتر من هاي التصرفات في المجتمع الفلسطيني ؟

 

نحنا بمو انو مؤسسة تطوعية ويا حبذا نشوف اكتر امكانيات للتطوع في العالم وخاصة عنا في فلسطين احنا بدنا كشعب نفكر دايما انو احنا بدنا كلشي النا يلا ادعونا يلا ساعدونا يلا احنا مساكين عمرنا ما فكرنا نساعد حالنا فحالنا ونتطوع عشان نساعد المجتمع تبعنا فاحنا بحاجة لهادا ومندعي كتير لشغلات متل هاي

 

هل بتقوموا بامور خاصة في الاعياد الدينية ؟

 

مؤسسة اللايونز هي مؤسسة غير دينية وغير سياسية هدفا الوحيد خدمة المجتمع والخدمة الانسانية ولكن بضل الواحد يقول بيت لحم مهيا عيد الميلاد يعني في عيد الميلاد احنا منشارك في سوق الميلاد في باب الدير في بيت لحم والدخول من السوق هاد احنا منشتري فيه ومنوخد دعم من الشركات اللي منلم اكل ومنعمل لعب هدايا للعائلات الفقيرة بما يتخللها كمتن منحط شوية مصاري عشان يقدروا يصرفوا شوي منحط شوكلاطة عشان الواحد لازم يحط فرح في قلوب العالم مش بس زيت وسكر وملح وطحين وانما شغلات منيحة مش غلط ا حطينا كيلو كستنة وشوية حلاوة وشوية شوكلاطة مثلا

 

هل بتساعدوا كتير ناس من الفقراء ؟

 

لا بالواقع احنا منحب نساعد كتير اكتر مت منساعد ولكن احنا مصرياتنا على قدنا مصرياتنا منجيبها من الفعاليات اللي منسويها ومن التبرعات اللي منحصل عليها من خلال الفعاليات وعادة فعالياتنا بتكون الها هدف معين يعني عنا فعالية معينة مثلا بتدعم الاطفال يشتروا او منساعدهم يشتروا ادوات سمعية وعنا فعالية معينة عشان نقدر نشتري جهاز معين لمستشفى معين فما منساعد الفقراء في الطريقة اللي بساعدوا فيها المؤسسات الخيرية احنا اكتر مؤسسة انسانية من مؤسسة خيرية وباعتبار هادا هلا احنا كمان شوي راح نكون معنيين اكتر انو نساعد الناس انو يتفادوا امراض السكري ويتفادوا امراض النظر والسمع وهاي شغلات مهمة بالنسبة النا وما منساعد كتير مباشر للفقراء

 

كيف ممكن او الناس ينضموا لنادي الاسود اذا بدهم يتغيروا ؟

 

للاشتراك كعضو في نادي لايونز ياتي من الداخل الى الخارج وليس بالعكس يعني ما منقدر يجي حدا يقلنا انا بدي اصير عضو الطريقة اللي بصير فيها عضو هو واحد من العضاء الداخل الموجودين في النادي يزكي ناس معينين انهم يصيروا اعضاء في النادي وهدول بدخلوا من خلال اللجنة ولجنة العضوية بتطلع للناس هدول وازا هي وافقت بصيروا اعضاء معنا اهلا وسهلا

 

هل لازم تكون ماتزم عشان تكون واحد من الاسود ؟

 

بالواقع الواحد يكون في نادي لايونز مكلف مش بس بالوقت لانو احنا معطين من وقتنا تطوع بمية بالمية تطوع بدون ما نتوقع اي شي ولكن في علينا التزامات كمان في عنا لازم شغلات ندفعها فبدو يدفعوا مصاري عشان يكون خير الواحد

 

هل عندكو كتير من الشباب في نادي الاسود ؟

 

الاعضاء الموجودين عنا من التلاتينات وفوق طبعا اللي اقل من التلاتين ما بقدر يكون عضو في النادي تبعنا ولكن ولكن بدنا نحاول في المستقبل نعمل نوادي لايونز من النوادي الشباب الصغار بدنا نبدا من المدارس اللي راح نبلش فيها خلال انشالله مدة قليلة مع لايونز كويست وهدول ممكن يصيروا شباب اللايون

 

هل بتقوموا بصنع فرق في المجتمع ؟

 

منتامل انو نعمل فرقية ، في حدا قال لوني نقطة في بحر خليني اكون هادي النقطة واحنا شوي اكتر من نقطة في بحر بلقي سطل في بحر ، مش كتير لكن كل مساعدة مهمة كل حدا بقدر يساعد بساعد المجتمع تبهو ومجتمعنا بحاجة ماسة للمساعدة فالكمية الصغيرة اللي احنا منقدر عليها كمان بساعد

 

ليش بتقوموا بهاد العمل ؟

 

نحنا منشتغل بالطريقة وبالطريقة الانسانية وبالدعم التطوعي لاننا نحنا منحس انو احنا جزء من المجتمع والجزء الحمدلله الله معطينا واعطانا المجتمع فاحنا لازم نساعد في المجتمع اللي اعطانا ومنرجع جزء من المجتمع اللي اخدناه

 

شو هو املك للسمتقبل لنادي الاسود ؟

 

منتامل انو بكرة لاينز تزيد في فلسطين ومرة من المرات في الخمسينات واوئل الستينات في سبعة نوادي في فلسطين فمنتامل انو نحاول نزيدها ونزيد عدد الناس اللي يشتغلوا فيها وعدد المتطوعين مش بالضرورة يكون بس نوادي لايونز ولكن العمل التطوعي مهم جدا انو يكبر في البلد قد ما هو

شكرا هاني وشكرا لاستماعكم لبرنامج احدث فرقا معي انا الياس كسابرة وانت شو بتعمل عشان تحدث فرق في المجتمع

More from اخبار الحياة

  • فيلم ميج - The Meg

    ننصحك بأنه إذا كان لديك طفل مهووس بأفلام الوحوش، هذا الفيلم يثبت ذلك التحول. خلاف ذلك ، هذا أفضل الأفلام الرائجة في الوقت الحاضر.

  • الحرب الباردة

    نستعرض الحزن ، الجوهرة والرومانسية المؤلمة.

  • نور المسيح

    Video

ﻗﺎﺋﻤﺔ ﺍﻟﻤﺮﺍﺳﻼﺕ

اتصل بنا

  • بريد الكتروني studio@radiohayah.ps
  • هاتف (970) 022777019