يعرض الآن

Do Life Big (David Joshua Remix)-Jamie Grace
ﺍﺳﺘﻤﻊ ﻟﻠﺒﺚ ﺍﻟﻤﺒﺎﺷﺮ

غزة

قد وجدنا الصعوبات

راديو الحياة قابل نشأت فيلمن من جمعية الكتاب المقدس الفسطيني.

  • نشأت شو صعوبة الوضع في غزة؟

  •  

يعطيك العافيه وشكرا على المقابلة وضع غزة وضع صعب جدا وضع مزري والشعب عايش بيأس كبير بسبب الظروف الاقتصادية والسياسيه والفرص يعني الفرص دايما في غزة من الحياه الكريمه الشريفه بهذا بتخلي وضع غزه وضع صعب جدا وضع الناس الي في غزة بيشعروا إنهم محبطين وما فش عندهم مستقبل.

 

  • هل هاي الصعوبات بتخلي الحياة صعبة للعائلات؟

  •  

طبعا الأسرة هي نواة المجتمع والأسرة لما ما يكون فيها دخل كفاية انه يكفي أعضاء الأسرة ما يكون في فرص للعمل وفرص للتحرك الحر وفرص للحياة الكريمة يعني بنحكي عن مي ما في مي نضيفة صعب تحصل على مي نضيفة صعب تحصل على كهرباء الكهرباء بتيجي 4 ساعات في بعض الأحيان آخر مرة كنت فيها بغزة من الساعة 12 ونص الليل للساعة 4 وجه الصبح فالحياه كثير كثير صعبه على الأسره وعلى العائله ولما يتطلع الواحد أبعد من اليوم نفسه حتى اليوم نفسه توفر أكل بأخر النهار للعيلة هاد صعب لكن اذا بتطلعي أبعد من هيك ما بتلاقي أمل للمستقبل فهاد محبط جدا ومحبط للعيلة بشكل خاص.

 

  • هل الشباب الصغار بشعروا في فقدان الأمل؟

  •  

بدون شك في إنعدام للأمل في فقدان للرغبة إنك تصحى الصبح من الفرشة إنك تتحرك وتروح وتعمل أي إشي كمان مرة لما تكون انت تحت حصار شديد متل هاد ولما تكون ما في عندك وسائل الحياه الكريمه يعني نسبة الناس الي ما بتشتغل عالية جدا فوق الخمسين بالمية فما بالك لما يكون الواحد ما في عندو وظيفة ما في عندو إمكانية للتحرك بحطك في وضعية كتير مزرية.

  • هل البطالة مشكلة كبيرة وهل هو اشي سهل انه تقوم بإنشاء عمل مع قلة

  • الكهرباء الموجوده في غزة؟

  •  

طبعا بكون صعب و مستحيل لكن اذا في عندك فرصه تسوي بزنس بحد ذاتها وينجح البزنس والناس يشترو منك ويتعاملوا معاك هاي بحد ذاتها انجاز كبير يكون موجود هناك لكن عدد قليل جدا من الناس بقدرو يسوو مببادرة عن مبادرة بزنس العدد الاكبر يكونوا موظفين عاملين في الحكومات والمؤوسسات الحكومية او المؤوسسات الدولية وكل هدول الاعداد عم بتتناقص يعني انا بعرف مؤوسسة كان عندها مية موظف والمية موظف اضطرت انها تسرحهم وفقدوا اشغالهم طبعا مية اسرة ومية عائلة تاثروا نتيجة هذا العمل

 

  • شو عن المستشفيات هل بتوفر فيها المعدات الاساسية لضمان حياة المريضين؟

  •  

وضعية المستشفيات والوضع الطبي في غزة وضع صعب جدا يعني في هناك أشخاص أطباء بقولوا انه بعض المستشفيات اضطرت إنها تسكر أبوابها بسبب انه في الكزادر لكن مفش العلاج والأدوية الي يقدومها للناس وهاي الشغلة كتير صعبة جدا بعد المسيرة التي تمت على الحدود الناس الي تصاوبت ما كان في إلها علاج تتعالج بالمستشفيات فالوضع الصحي في غزة هو صعب جدا جدا جدا الى أبعد الحدود.

 

  • هل في مجتمع مسيحي كبير في غزة؟

  •  

يوجد المسيحيين في غزة يوجد الكنائس الكنيسة الكاثوليكية والكنيسة الإنجيلية ويوجد مسيحيين في غزة عددهم يتراوح بين الألف شخص كان زمان 3500 وقل العدد وعلى علم انه فوق الألف أو تحت الألف بشوي يعني حوالي هاد الرقم بيعشوا وسط غزة.

 

  • وهلأ كمسيحيين لازم يكون عنا أمل هل المجتمع هناك يشعر بفقدان الأمل في غزة؟

  •  

طبعا رسالة ودعوة الكنيسة بشكل عام في أي منطقه يكون مصدر أمل ومصدر رجاء ومصدر عزاء لأن الإنجيل كتاب المقدس والكنيسة هي المناره التي تعكس نور المسيح الي هو جاء يعطي أمل لأصحاب الي ما عندهم أمل واجى يعطي خلاص ورجاء للي ما عندهم رجاء خلاص وهاي رسالة الكنيسة في غزه تقوم بدور كبير جدا في المعونة والمساعدة والمساندة وأعتقد أن الكنيسة بتحاول كل جهدها رغم ظروف الصعبة إنها تكون منارة حية وكاس ماء بارد للناس العطشى الموجودين في غزة انا بعرف انه ظروف صعبه بعرف تحديات كتير صعبة من جميع الأطراف لكن بعرف كمان انه اله الكنيسة حي وموجود وهو بعطي عزاء و رجاء لما بتزيد الظلمة شمعة صغيرة بتعطي وبتشع نور كبير.

 

  • هل بحصلوا على تصريح عشان يروحوا يزوروا عائلاتهم مثلا في بيت لحم والضفة الغربية؟

  •  

نعم ، بعض المسيحيين بحصلوا على تصاريح لكن هذه التصاريح مش ا شي مؤكد في كل عام انا بعرف بالأعياد عيد كبير وعيد الفصح وعيد في بعض تصاريح التي تصدر كمان مرة للمرة الاخيرة لم تصدر تصاريح حسب ما وصلنا بسبب انه كان في اعلان انه ناس كتير وخاصة مسيحية بضلوا بالضفة وما برجعوا بسبب هيك السلطات الاسرائيلية قررت انه ما تعطي تصاريح حتى لو بعطوا تصاريح بعطوا جزء للعائلة مش لكل العائلة فيعني في تصاريح مشروطة وفي تصاريح مقننة عددها قليل حتى يجوا يزوروا ويحجوا في المناطق المسيحية في بيت لحم ويحتفلوا ويشاركوا في الاحتفالات الدينية الموجودة لكن كمان مرة هي مش مضمونة وبنفس الوقت مشروطة جدا وممكن تكون موجودة وغير موجودة.

 

  • هل المجتمع المسيحي قادر على انه يكون النور في ظلام غزة؟

  •  

رسالتي يمكن لمسيحية غزة الي انا بحبهم وبعزهم كتير وعلى قلبي بنصليلهم انه يكونوا الملح الذي يملح وقصدي هيك في طبخة وفي أكلة بتحب رشه ملح بتعمل الفرق كبيرفي كل الطعم كما ذكرت شمعة صغيرة في غرفة معتمة بتعطي إنارة كبيرة هذه صلاتي لأحبانا المسيحية في غزة انهم يكونوا الشمعة والنور وهاد الملح ويغيروا الطعم ويعطوا أمل ورجاء لانه ممكن كل أبواب غزة مغلقة حتى تحت وكل الاسوار التي تحيط غزة لكن باب السماء مفتوح ورب السماء سامع ومستجيب وموجود فهذه دعوتي ومحبتي وصلاتي لاهلنا في غزة ان يرفع عنهم السماء ومن حيث يأتي العون من عند الرب صانع السماوات والأرض.

 

  • هل في كتير مؤسسات مسيحية في غزة؟

  •  

في بعض المؤسسات المسيحية الفعالة التي تخدم وبتشتغل في غزة ونحن نشكرها على دعمها ومساندتها وعلى عملها في غزة وبنقدر جهدها الكبير الي بتعمل فيه وبنصلي حتى ربنا يزيد هاي المؤسسات وكل المؤسسات المسيحية والمؤسسات المجتمعيه بغض النظر عن الخلفيه الدينة التي تعمل وبتساعد وبتساهم في إنها تعطي حياة كريمة وحياة أفضل لأهلنا في غزة.

 

  • شو هي اخر مرة كنت فيها في غزة وهل هو أمر سهل تحصل على تصريح بانه تروح هناك؟

  •  

انا شخصيا منعت انه ادخل غزة بحاول بإستمرانه اقدم لطلبات أنزل على غزة انا بعرف انه عدد كبير من المقدسيين ما بقدروا يدخلوا الى غزة لكن الدخول الى غزة صار اصعب لكن قلوبنا تعبت في غزة وصلواتنا ومحبتنا لغزة لم تنقص رغم البعد.

 

  • انته في جمعية الكتاب المقدس الفلسطيني هل بتقوموا بدعم الفلسطينين المسيحيين هناك؟

  •  

نعم حنا مسؤوليتنا هناك انه نقف مع الكنيسة في غزة ومع المجتمع المحلي في غزة وبنقوم بهذا الدور قدر الإمكان قدر المستطاع بل أكثر منحب نكون شهادة حية وبنحب نعطيهم كل ما في يدنا حتى نشجعهم ونقويهم وكمان مرة بنجدد رسالتنا ومحبتنا وقلوبنا الواسعة لأهلنا في غزة نصلي حتى ربنا يعين ظرفهم الصعب ويشددهم ويقويهم.

 

  • شو هي صلاتك من أجل غزة؟

  •  

صلاتي في غزة حتى ربنا يفتح الأبواب للكنيسة ويشع النور فيها نور المسيح لكل الناس حوليها صلاتي حتى يفك الحصار حتى غزة تنقلب وتصير واحة من السلام واحة من المحبة واحة من الأمل والرجاء والعزاء والبركة صلاتي حتى كل قطاع غزة ينهض اقتصادياً وسياسياً وينهض من ناحية تفاعلية مع بقية الضفة الغربية صلاتي انه غزة تصير لؤلؤة تعكس نور رائع جدا لكل العالم.

 

  • للناس الي حابين يعرفوا أكتر عنكو وعن عملكم في غزة شو هي صفحتكم على الفيسبوك؟

  •  

بقدروا يدخلوا على كلمة الله جمعية الكتاب المقدس الفلسطينية ويتابعوا نشاطاتنا وبرامجنا ورسائل بنبثها كل يوم.

  • شكرا نشأت وشكرا لإستماعكم لبرنامج أحدث فرقاً معي انا الياس كسابرة.

  •  

وانت شو بتعمل عشان تحدث فرق في مجتمعك؟

More from اخبار الحياة

ﻗﺎﺋﻤﺔ ﺍﻟﻤﺮﺍﺳﻼﺕ

اتصل بنا

  • بريد الكتروني studio@radiohayah.ps
  • هاتف (970) 022777019