يعرض الآن

Broken Record-Andrew Serino
ﺍﺳﺘﻤﻊ ﻟﻠﺒﺚ ﺍﻟﻤﺒﺎﺷﺮ

المعهد المسكوني في الطنطور

الدراسة في الاراضي المقدسة

Listen in English

هذه المقالة مأخوذة من مقابلة اذاعية

راديو الحياة قابل كامل المكركرمن طنطور ، كامل شو هي طنطور؟

 

طنطور عبارة عن سنتر موجود عشان يتلاقوا المسحيين من كنائس مختلفة فيه و يدرسوا اكتر و يتعمقوا في الدين و في نفس الوقت طنطور هو عبارة عن مكان احنا يعني عنا بروجرامز للناس اللي بتيجي من برة البلد من كنائس مختلفة عشان تقدر تتعلم اكتر عن الاراضي المقدسة و عن شو فيها وعن الديانات اللي فيها و طبعا الطنطور فيه حوالي 50 غرفة فالناس بتيجي بتقعد وبتنام و تعيش في هاي المنطقة الحلوة اللي هي  قريبة عن بيت لحم وقريبة عن القدس و بتتفاعل مع بعض و مع الارض و الناس الموجودين فيها

 

امتا بلشتو كمؤسسة و ليش؟

 

هاي قصة كتير حلوة طبعا  الطنطور بلش في الستينات من فكرة كانت بين البابا بولص السادس اجتمع مع بطرق كانسيبولنس و كمان مع قيادات الكنائس اللوثرية و الانجلينية  في هداك الوقت و اتفقوا يعني كانت الفكرة كان حابين يكون في سنتر وين الخورة و الباسلس والقساوسة  يعني يقدروا يتلاقوا و يتعمقوا اكتر في الدين و يكون في تسامح بين المذاهب المسحية و طبعا انا بنعرف قبل حوالي 500 سنة وين الروم الارثودوكس ما كانوا يحكو مع الكاثوليك كان لقاء كتير حلو بين البابا و رئيس بطرق القسطنطينية في الستينات و لما اجا هون بالزبط و تقابلو مع بعض فهناك نولدت الفكرة طبعا و كان الاشي يعني حافز كبير للبابا بولص السادس انو يبلش هاد السنتر فيعني قدر يوخد قطعة الارض للفاتيكان و بلش في الطنطور و طبعا اعطى المهمة لجامعة النتردام وهم يعني بديروا المشروع او السنتر

 

شو هي نوعية الناس اللي بتيجي هون لطنطور؟

 

الناس الي بتيجي لطنطور حاليا يعني خلينا نحكي الفكرة الاساسية الي نولدت زمان يعني مش كتير اطورت يعني احنا بنعرف كتير من الكنائس  بدها كمان شوية خطوة عشان تقدر تتجمع مع بعض بس البرامج الي احنا بنعرضها الي هي بتجدب الناس الي بتيجي عنا الي برامج حلوة الناس الي بتيجي عبارة عن ناس الها دخل في الكنائس و ناس بتخدم في الكنيسة و يمكن ان يكون خوري او قص او واحد بس بخدم في الكنيسة او بشتغل فالجامعات بس في الدايركشن تاع الثيولوجي او الدين او اللاهوت فيعني البني ادم الي بيجي هو ناس الي جايين يعرفو الارض المقدسة بشكل افضل و يتعلمو اكتر عن الناس الي فيها يعني في بروجرامز الي احنا بنعرضها عن الاسلام و المسيحية واليهودية و كيف كل الدين قدر يتفاعل مع الارض و شو الاماكن المقدسة و محاضرات يعني مش معدودة يعني

 

شو هي البرامج الي بتقوموا بمتابعتها؟

 

البرامج الي عنا هي بتعتمد اول اشي عالوقت يعني عنا برامج 3 اسابيع -4 اسابيع و 6 اسابيع و برنامج الاطول هو تاع ال3 اشهر طبعا عنا كمان منسوي ازا في جامعات من امريكا او اي محل  تاني في العالم بتحب تيجي يعني بشكل خاص بنقدر احنا نرتبلها البروجرام تبعها بس خلينا نحكي عن البروجرامز الي احنا منعرضها يعني زي ما احكيت من 3اسابيع ل3 اشهر و3اشهر بكون اكتر ل خورة عندهم فترة الراحة الي بسموها سابتيكل الي بكون عندهم 3 اشهر بيقدروا يبعدوا عن كنيستهم فهاد الوقت احنا يعني بنقوم بعمل رائع  يعني تعريف عن الارض المقدسة و عن الاديان  و الرحل الي بروحوها طبعا احنا كتير مهم عنا يعني ما يكون الاشي زي السياحة العادية يعني بكون اكتر الرحلة الها ميعاد الها لقاء مع مؤسسة مع جمعية مع ناس مع عائلات بوكلوا مع عائلات بروحوا  لمخيمات اللاجئين بروحوا بتعشو السبث مع عائلات يهودية  يعني بعيشو الارض زي ما هي حاليا و الناس بتفهم الرحلة اكتر و اكتر طبعا الي بيجو بشكل طويل ممكن يعني  ندخل الاردن في رحلتهم و مرات مصر بس الرحلات الي بتكون قصيرة من 3 اسابيع ل6 اسابيع بتكون اكتر الها دخل بس في الاراضي المقدسة  و طبعا معلومات قيمة من الصحراء تحت للجولان فوق و طبعا الو دخل كتير في  الديانة المسيحية بس كمان احنا بنتعمق في مفهوم الاسلام و بنجيب طبعا الامام و بعطينا محاضرات عن الاسلام و كيف الوضع في البلد  و الاخاء بين المسلمين و المسحيين  وكيف بيعيشو اليهود كمان في الارض و كيف  بطريقة او باخرى يعني  الدنيا ماشية هون  في الاراضي المقدسة

 

هل بتخلقو فرص ليتقابل العرب مع اليهود هون؟

 

طبعا جزء من الايمان في قيادة  الطنطور انو لازم احنا نلاقي اخاء بين كل الموجودين في الاراضي المقدسة فلما بنعرف انو في ناس عنجد معينة او مؤسسات معينة طبعا معروفة عالميا و معرفة عنا في البلد يعني بتحب يكون مكان لالتقاء  خلينا نحكي بشكل  عشان الواحد يقدر يفهم الطرف  الاخر فممكن يعني يقدرو يستعملو ارض الطنطور عشان يقدرو يتلاقو هناك او يحكو في مواضيع مهمة لفهم الطرف الاخر عشان يكون في حياة افضل هون في الاراضي المقدسة  وممكن يكون هاد اللقاء بين مسلمين و مسحيين و يهود

 

شو هي نوعية الامور الي بيبحث عنها الناس لما ييجو لهون كباحثين؟

 

هلا طبعا جزء انا ما حكيت عنو قبل الي هو يعني في ناس بيتجي عشان  تقعد و تكتب  مثلا رسالة الدكتوراة عنا في الطنطور في المكتبة وعنا يعني مكتبة بتخوف فيها الاف الكتب ف المكان كتير هادي مزبوط هو قريب عن بيت لحم و القدس بس هو هادي يعني ف في مجال للناس الي جاية و بدها تكون لحالها  تقدر تكتب رسالة الجاستير او الدكتوراة او يعرف اكتر او يعني يقدر يفحص اكتر في مواضيع الدين و اللاهوت فبكون الطنطور المكان المناسب الهم يعني  بس في شغلات كتيرة يعني كتير مواضيع ممكن ان يتعمقوا فيها كل واحد حسب  رغبتو طبعا

 

هل بصلحلهم انو يطلعوا برا لمجالهم ويدرسوا هناك؟

 

طبعا بواباتنا مفتوحة بنقدر نساعدهم  في الاتصال الي عنا اياه  مع المعارف الي عنا اياهم حسب  اي واحد ازا هو معني مثلا  في انو يتعرف اكترمثلا عن الاسلام فعنا اكتر من مكان من الامام في نابلس او اما في الشمال او القدس و بيت لحم عائلات و هيك فيعني اكيد ازا بدهم يعرفو اكتر عن اليهود او المسحية وعنا احنا علاقات طيبة كتير مع الكل فلما حدا بدو ييجي و يعرف علاقات اكتر يعني يطلع عال ويعرف و يشوف شو حواليه طبعا احنا منساعدو

 

هل هاد بفتح لالهم الكتاب المقدس ؟

 

 شوف في اساس الفكرة الي هي ربط الكنائس في بعضها او المذاهب المسيحية في بعضها الي هي اكتر بين الكاثوليك و الارثودوكس و الانجليكلن والبروتسطنط  طبعا هي الفكرة الاساسية انو كل الناس الي جايين هم جايين من اساس كنيسة  او عاساس ديني فالانجيل بنفتح بشكل يومي فاحنا عنا صلاة للبرامج بشكل يومي حتى بنعطي مجال للناس الي بتيجي هي الي بتقوم بالصلاة و كل واحد ممكن انو يعرض فكرة طبعا بعدين مع الرحل الي احنا منسويهم بكونو متاثرين في رحلهم ازا دخلوا على مثلا بيت لحم ازا رحوا عالخليل ازا راحو عاريحا او على الشمال فبكونو متاثرين في الزيارة الي بروحوها فممكن يكون حتى القداس الي بقوموا فيه او الصلاة البقوموا فيها متاثرة في المكان  الي زرنا و احنا في الاراضي المقدسة يعني الانجيل انكتب هون وعلى هاي الارض فالانجيل دايما بينفتح بشكل يومي مرتين و تلات يعني صلاوات الصبح و صلاوات اخر النهار و في احنا عنا كمان كل احد صلاة لكل الموجودين حتى الي بشتغلو في الطنطور بيجو عهاي الصلاة

 

هل هاد امر مهم عشان يفهموا العقائد المختلفة و ايضا يفهمو الاختلافات الموجودة في الايمان المسيحي؟

 

طبعا الناس الي  بيجو احنا بنحاول كمان انفهمهم شو البرامج الي هم جايين عليه يعني اي واحد بحكي انا حابب اجي فبنفهموا انو انت مش جاي عطلة انت جاي عشان تعرف كزا و كزا واحنا البرنامج تبعنا يعني مش سهل  في تحدي فيه و من اهم التحديات الي هي يعني انت قبولك في تقبل الاخرين كارثودكس او ككاثوليك او كابروسطانت في نفس الوقت انت تقبلك للارض المقدسة كما هي واحنا بنسمع من الكل يعني رح نتقابل مع جماعات انترفيث زي ما حكينا من قبل مسلمين و يهود وكزا  فطبعا الشخص الجاي بعرف شو مستني و على هاد الاساس  بكون هو الجاي فلازم يكون عندو هاي القابلية انو يتقبل الاخرين عالاكيد

 

شو هي صلاتك لطنطور ؟

 

طبعا بتمنى انو يكون في دائما مجموعات تيجي عطنطور عشان يعرفوا  اكتر عن البلد ، انا ايماني الشخصي انو كل الناس تعرف اكتر عن وضع البلد يعني ممكن انو ييجي السلام عهاي الارض المقدسة  و طنطور ماخد جزء كبير من تعاريف عنا و عن الاراضي المقدسة وعن الفلسطينيين و عن اليهود الاسرائيلية و الفلسطينية وهاد اكيد اشي مهم و طبعا انا بتمنى انو الكنائس الموجودة في الارض تتجمع اكتر و اكتر مما هي عليه خصوصا الارثودكسية و الكاثوليكية و البروتسطنطية فبتامل طبعا يضل ماشي و يطور ويكون في ناس تشتغل هناك و اكتر ناس الي بضل تعرف عن البلد و عن الشغل الي منسويه

More from اخبار الحياة

  • Yesterday

    مراجعة لهذا الفيلم الجميل ذو المشاهدة الممتعة.

  • بيت الامل

    نعمة الأطفال في بيثاني

  • Tolkien

    نستعرض فيلمًا عاديًا عن رجل غير عادي تمامًا.

ﻗﺎﺋﻤﺔ ﺍﻟﻤﺮﺍﺳﻼﺕ

اتصل بنا

  • بريد الكتروني studio@radiohayah.ps
  • هاتف (970) 022777019