يعرض الآن

Tremble-Upperroom
ﺍﺳﺘﻤﻊ ﻟﻠﺒﺚ ﺍﻟﻤﺒﺎﺷﺮ

حقوق الانسان

تطوير الحضارة الصحية

راديو الحياة قابل سامية ابو حامد من مركز توجيه الثقافة الديموقراطية والحقوق Listen in English

سامية شو هو مركز توجيه والثقافة الديموقراطية والحقوق ؟

 

صباح الخير, مركز توجيه الديموقراطية هو مؤسسة غير ربحية تاسست في العام 2011 الهدف الاساسي لمركز توجيه هو رفع الوعي بحقوق الانسان والديموقراطية حقوق المراة حقوق الاطفال وايضا رفع الوعي بقضايا تقبل الاخر وطبعا هناك كتير من الانشطة بتندرج تحت هذه الاهداف

 

ايمتا بلشتوا وليش ؟

 

تاسس المركز سنة 2011 وكانت الحاجة هناك للعمل على رفع الوعي وحل القضايا اللي كثير يعاني منها المجتمع الفلسطيني وخصوصا موضوع المواطنة الصالحة الديموقراطية وارتاينا انو في هناك مشكلة كبيرة بقضايا حقوق الانسان بشكل عام اللي بتندرج تحتها حقوق المراه وحقوق الاطفال

 

شو هيا مهمتكم ؟

 

هدفنا هو العمل على نشر المجتمع الفلسطيني قضايا حقوق الانسان والعيش في مجتمع خالي من العنف طبعا نشر قضايا الديموقراطية اهم اشي والتعددية في المجتمع الفلسطيني

 

شو المشاريع اللي بتقومو فيها ؟

 

عندنا برنامجين البرنامج الاول هو برنامج حقوق الانسان والديموقراطية  اللي بيندرج تحتو كتير من الانشطة الها علاقة بحقوق الاطفال وحقوق المراة والديموقراطية والبرنامج التاني موضوع برنامج تمكين المراة اللي بيندرج تحت مظلته موضوع تمكين المراة الاقتصدي هو اهم جانب واهم فرع في هاد البرنامج اللي هو منحاول من خلاله تمكين المراة اقتصاديا من خلال تنفيذ مشاريع صغيرة مدرة للدخل

 

هلا انتو بتركزوا على النساء الفلسطينيات  هل تغيرت بعض الامور بالنسبو للناسء الفلسطينيات في المجتمع ؟

 

منهدف للتغيير في المجتمع الفلسطيني خصوصا بالقضايا اللي بتخص المراة طبعا منعمل لاجل هذا الهدف ومنتامل انو منستطيع التغيير من خلال النساء في المجتمع الفلسطيني

من قبل كان محافظ بيت لحم انثى هل هاد الهم النساء انهم شافوا محافظ انثى في بيت لحم

طبعا بيت لحم فيها كتير من النساء القياديات ومنقدر نعطي امثلة كتيرة على هدول النساء هم الناشطات السياسيات والناشطات الاجتماعيات اللي بيشتغلوا بجد واخلاص واثبتوا نفسهم على الساحة الفلسطينية وطبعا هاد بيعطي كمثال رائع لباقي النساء حتى يحتذوا فيهم ويمشوا في نفس الطريق اللي مشوا فيها

 الدين امر مهم لكتير ناس في العالم لكن هل ممكن انو بعض المرات يكون مشكلة او عائق

طبعا الدين قضة كتير مهمة وكتير مؤثرة بس ما بدنا اياها تاثر بشكل سلبي في المجتمع الفلسطيني للاسف عمالنا منشوف الدين بيعطي تاثير سلبي على المواطنين الفلسطينيين احنا عمالنا منحاول نخلي الناس يكونو متحررين من هذا التاثير السلبي ويجب اذا كان بدو ياثر المفروض ياثر من ناحية ايجابي وليس سلبي

 

ليش بتشكل النساء جزء مهم من المجتمع الفلسطيني ؟

 

المراة هي جزء اساسي من المجتمع الفلسطيني وعشان هيك احنا منرتأي ومنقول انو العمل مع المراة هو قضية كتير مهمة المراة عنصر اساسي في البيت والمجتمع وفي المؤسسة وهي انسانة وعنصر كتير قوي وممكن يستطيع عشان هيك منشوفها مهمة ويجب العمل معها لانها تسطيع التاثير والتغيير

 

هل المجتمع الفلسطيني هو مجتمع  ذكوري اكثر ؟

 

نعم، مجتمع فلسطين هو مجتمع  ذكوري ويجب العمل مع الرجل ايضا حتى نصل الى التغيير المنشود

هلا انتو بتشتغلو مع الاطفال هل هو اشي مهم انو تبلشوا من بكير مع الاطفال وتحكوا معهم في شؤون حياتهم

نعم الاطفال هم هدف كتير اساسي في عملنا مع الاطفال لانو من خلال الطفل انت ممكن تزرع البذور الجيدة اللي بتساعدك على التغيير لما ننجح ونستطيع نغير في الطفل احنا منصنع رجال للمستقبل متفتحين وبقدروا قيمة النساء في المجتمع

 

هل في كتير من الصراعات داخل المنازل ؟

 

بما انو احنا عايشين في مجتمع ذكوري بما انو الرجل بكون المسيطر في البيت فطبعا هادا بيخلق نوع من الصراع خصوصا اذا كانت المراة بتامن في حقوقها وبتامن بالاهداف اللي بدها توصللها وبالتالي يحدث الصراع

هل النساء في المجتمع بيشعروا انو هما مسيطر عليهم ولازم يوخدو اذن من ازواجهم هل هاد بتعودو عليه وبالتالي بفكرو انهم تحت السيطرة

طبعا في كتير من المناطق ونسبة كبيرة من ابناء الشعب الفلسطيني بعانوا منه خصوصا النساء لانو الرجل بيعتقد انو المسيطر في مجتمع ذكوري فبالتالي المراة عمالها بتطلب في حقوقها وبدافع عن حقوقها انها تعيش كانسانة حرة طبعا هادا بيخلق نوع من الصراع وانها محكومة من الرجل انها تحت سيطرة الرجل فاحنا منحاول نوعي المراة بحقوقها انها تعيش بحرية طبعا هاد ما بيمنع دور الرجل انهم تنين بعيشو جنبا الى جنب لتحقيق اهدافهم في الاسرة مع ابناءهم وفي المجتمع طبعا لكن المراة هي مش خاضعة للرجل هي بتمشي جنبا الي جنب مع الرجل

 

هل لازم الرجال يكونو متعلمين ؟

 

طبعا لازم ان يكون متعلم ومثقف ويامن بحقوق المراة حتى هيا يكون اسهل لالها من خلال تادية رسالتها وتادية مهامها حتى تحصل على حقوقها الرجل لازم يكون متعلم ومتفهم وواعي بهذه المطالب وهذه الحقوق

هل هاد صعب بالنسبة للرجل لانو ممكن يحس انو فقد بعض السيطرة ؟

 

ابدا قضية التفهم بنخليه ما يكونش صعب للرجل لانو هو بيعيش مع المراة وبيشتغل معاها جنبا الى جنب في موضوع نيل الحقوق وهاد مش صعب الو بالعكس مش راح يقل من قيمة الرجل ازا ما بكون هاد بزيد من قيمته لما بتفهم من قيمة المراة بساعدها بالحصول عليها

 

هل بتقوموا بعمل فعاليات مميزة مثل عيد الام ؟

 

طبعا احنا منعمل مناسبات وانشطة في يوم المراة العالمي في يوم الام كل القضايا اللي الها علاقة بالنساء احنا منحتفل فيها ومنعمل فعاليات للناسء في هذه المناسبات

 

هل في كتير من القيادات النسائية القوية هون في بيت لحم ؟

 

طبعا في عدد كبير من النساء القويات طبعا السيدة فيرا ببون السيدة رولا معايعة هم نساء رياديات نساء قويات السيدة احلام الوحش على المستوى السياسي والثقافي والاجتماعي عنا كتير ناشطات اثبتوا نفسهم في الساحة الفلسطينية كنساء قائدات ناجحات في عملهم واستطاعوا انهم يغيرو في المجتمع الفلسطيني

 

ليش بتقومو بهذا العمل ؟

 

كي نص الى التغيير المنشود في المجتمع الفلسطيني

هل بتشعروا انكم بتحدثوا فرق في المجتمع الفلسطيني ؟

 

بتأمل ان شاء الله من خلال عملنا من خلال الناسء والاطفال اللي منشتغل معهم يكون كل واحد فيهم بحاول يغير في موقعه هاد بساعدنا انو احنا نعمل التغيير وننجح ونوصل للتغيير النشود بتأمل منكون عم ننجح في تادية رسالتنا

 

شو هي صلاتكم لفلسطين ؟

 

انو يعم السلام بتامل يعم السلام في المجتمع الفلسطيني

انتو عندكم صفحة على الفيسبوك شو هي الصفحة حتى الناس يعرفو اكتر عنكم ؟

توجيه سنتر

 

شكرا سامية وشكرا لاستماعكم لبرنامج احدث فرقا معي انا الياس كسابرة وانت شو بتعمل عشان تحدث فرق في مجتمعك   

More from اخبار الحياة

ﻗﺎﺋﻤﺔ ﺍﻟﻤﺮﺍﺳﻼﺕ

اتصل بنا

  • بريد الكتروني studio@radiohayah.ps
  • هاتف (970) 022777019