تكلم راديو الحياة مع بالينجوال

تعلم لغة

English

هذا المركز هو مركز لغة وثقافة، تأسس في أيلول ٢٠٢٠

الفكرة بدأت من خلالي وخلال بنتي لورين انا اصلا من مواليد ألمانيا وكملت دراستي في ألمانيا وارجعنا على فلسطين يعني هي بحساب اللغة الألمانية هي لغتي الأم بالنسبة الي وارجعنا هون على البلاد ولما ارجعت هون الناس صارت تسألني ادرسها ألماني أو اتقوي ألماني للطلاب في المدارس الألمانية واللي حاب يسافر ويتعلم برا، هادي الفكرة اجت من أساسها بنتي لورين عندها هواية التعليم للغات، بتحكي ألماني واسباني وهلا هي بتتعلم الإسبانية واليوانية اصلا.

احنا منلعم كل الأعمار يعني عنا صفوف لكل الأعمار، طلاب في المدارس وكمان الكبار اللي حابين يدرسو، برضو اللي عايزين اللغة للدراسة داخل البلاد واحنا منعلم الأطفال والشباب والكبار.

تعلم اللغات كثير مهم خاصة في مدينة بيت لحم لأنها مدينة سياحية يتوافد الها السياح من كل أنحاء العالم فعشان لتعطي القدرة لتمثيل المجتمع الفلسطيني بشكل أوضح وخلق فرص عمل للشباب في القطاع السياحي، من ناحية أخرى تعلم اللغات مهم للطلاب اللي بحب يكمل تعليمه برا البلد وكمان لخلق فرص عمل أفضل في مؤسسات أجنبية في فلسطين.

طبعا يعني الطلاب اللي بدهم يتعلموا هون ويكملوا دراستهم برا البلد وطبعا اللي بدو فيزا للتعليم بحاجة للمستوى الثاني من اي لغة لأي بلد بدو يطلع يتعلم فيها، فطبعا بحاجة ليتعلمها ويقدم الامتحان ليوخد التأشيرة لهاي البلد.

منعلم اللغة الأنانية والإسبانية واليوانية والتركية والعربية والإنجليزية وفي المستقبل كمان راح نضيف لغات تانية.

طبعا لأنه متل ما احكت قبل شوي، اول اشي هو بحاجة ليتعلم اللغة للحصول على التأشيرة وكمان هذا المركز عقد مع السفارة التركية لتعليم اللغة التركية والحصول على منحة دراسية كاملة للدراسة في تركيا، وعم نسعى للحصول على اتفاقيات مشابهة مع دول أخرى.

طبعا لعبة الشطرنج كتير مهمة خاصة للأطفال لأنه هي عبارة عن علم وفن ورياضة، وتزيد تفكيرهم المنطقي وتعلم الطفل الصبر والتركيز والتخطيط والمنافسة العادلة وبتنمي من قدراتهم الرياضية، وهاي جزء من هذا المركز الثقافي.

نعم برضو من النشاطات الثقافية في عنا دورة الخيط منعلمها مع الستات بتمكنهم من فتح مشروع خاص في بيتهم دورة كتير حلوة وبطلعوا في منتجات كتير حلوة كمان.

اه طبعا من الأعمال التقليدية للفلسطينيين.

هي دورة تقديم كتاب مشروع للجهات المعنية من أجل الحصول على تبرع لافادة المشروع وهون كتير بحتاجوه لأنه في كتير مؤسسات بدها دعم في عنا الجمعيات الخيرية كمان كتير مهم يعرفو كيف يكتبوا بروبوسل صح.

طبعا احنا فاتحين المركز لمحلية ولا لاجانب لأنه احنا أصلا من هلا بدينا في دورات عربي للأجانب، هلا حاليا عشان كورونا ما في سواح وما في توافد اجانب ولكن في اجانب اصلا في البلاد متزوجين أو فاتحين مؤسسات وبحاجة للقراءة والكتابة العربية واحنا منوخد على البسيط مش عدد كبير في هلا دورة جارية

الهدف من المركز هو تعليم اللغات وتمكين وتطوير الأطفال والشباب الفلسطيني لتقديم أكبر مساهمة ممكنة للمجتمع وهدفنا أيضا توفير أعلى جودة من التعليم اللغوي والأدوات الثقافية وورشات العمل لخلق الفرص لتوفير الحياة لمستقبل أفضل وتحسين مستوايات المعيشة وزيادة الوعي، كمان منوفر دروس خصوصية للطلاب اللي بحتاجو وقت اكتر لمعالجة المعلومة.

طبعا كورونا حدت كتير من انو ييجي عدد أكبر على الدورات لأنه احنا كمان مش بإمكاننا نعمل صف مكتظ يعني أعلى اشي بكون في ١٠ طلاب واحنا منتمنى من بعد ما تخلص هاي الجائحة انو الصفوف تكبر طبعا.

طبعا احنا فخورين جدا، بحيث في طلاب عنا جايين يتعلموا جايين بنشاط وعقل منفتح لعلم تاني وحضارة تانية ولغة تانية يتعلوها، احنا عنا خاصة العبراني يعني كتير ناس اجت صار في هلا دورة تانية خلصوها وأخذوا الشهادات وكتير ساعدهم كمان لما يقطعوا المحسوم لما يدوروا على فرص عمل هاد كتير ساعدهم، الألماني كمان انتهى الدورة الأولى للمستوى الأول وانا بدرّسها وانا كتير متفاجئة على كيف اتاخدت اللغة بشكل سهل الهم كلغة سهلة، بس كان الإرادة موجودة وحابين يتعلموا لغة تانية.

طبعا، لما انت بتعرف لغة تانية ولما تعرف حضارة تانية أو الشخص اللي قبالك، انت بتعرف مثلا هاد ليش يتصرف هيك، جاي من حضارة تانية، بقدر انا اساله ليش انت بتتصرف هيك، ليش انت ما بتوكل هاد الشي، ليش انت بتروح تعمل هيك، بقدر اسالو اي اشي، عندي القدرة اني اعمل حوار مع الشخص الغريب اللي في بلدي أو انا كغريب في بلد تانية، بقدر اعمل حوار وبقدر افهم اللي قبالي، احنا عنا في فلسطين في مثل بقول كل لغة شباك على العالم.

احنا حابين نعمل فرق في المجتمع، حابين نعلم ولادنا مثلا يعني خلينا نحكي لوعي البيئة أو حماية البيئة، لازم الطفل من وهو صغير يعرف انه لازم يحمي بلده مش بس من احتلال أو من شي، لازم يحميها كمان من التلوث من نفس من الداخل، لازم يعرف انو هاي الأرض لازم اتضل نضيفة، لازم يحرسها مش يلوثها، هاد اولا، تانيا الفرق اللي بدنا نعملو بلغة تانية لمعرفتك لكتير أشياء بتوسع معرفتك وبتخلي عندك الحوار مع ناس تانية ومع بلدان تانية وأشخاص تانية، فبتصير انت تتقبل الحضارة التانية اكتر وهيك بصير في فرص للسلام اكتر.

طبعا اول اشي احنا منتمنى لهذا المركز وفلسطين وللعالم كله اول اشي انو ننتهي من جائحة كورونا حتى الكل يقدر يعمل ويشتغل ونكبر ونتوسع وطبعا انو نقدر نعمل الفرق اللي بدنا نعمله.

طبعا صفحتنا على فيسبوك هي بالي جوانت سنتر