يعرض الآن

No Sleep-Neon Tigers Ft Philippa Hanna
ﺍﺳﺘﻤﻊ ﻟﻠﺒﺚ ﺍﻟﻤﺒﺎﺷﺮ

جمعية الكتاب المقدس الفلسطينية

مقابلة ميرنا

 

راديو الحياه قابل ميرنا اسحاق من جمعية الكتاب المقدس الفلسطيني ميرنا احكيلنا اكتر عن جمعيه الكتاب المقدس الفلسطينيه

جمعية الكتاب المقدس هي جمعية موجوده في فلسطين اصلها 200 سنه جمعيه الكتاب المقدس فرع بيت لحم نحن بنشتغل مع الاطفال بنشتغل مع الشباب وبنشتغل مع جميع فئات المجتمع

 

هلا انتو بتشتغلو بالمدارس احكيلي اكتر شو بالزبط بتسووا؟

 

انا مسؤولة برامج الاطفال في المدارس في المخيمات الصيفيه نحن نشتغل برامج مختلفه مع الاطفال تهدف انه هي تساعد و توصل رساله للاطفال رساله هادفه عشان الاولاد يتعلمون منها طبعا نحن عندنا رساله بتكون مسيحيه للاطفال من الكتاب المقدس كما في مرات منشتغل مع اطفال مش المسيحيين معهم لرسائل انسانيه هادفه

 

بما انكم بتعملو مع الدمى فهل الدمى طريقة حلوة تتواصلو فيها مع الاطفال ؟

 

من خلال برامجنا نحن نشتغل بالدمى وهاي الدمى بتكون كتير فعالة مع الاطفال لانو الاطفال بنجذبوا لهاي الشخصية لاننو هي عبارة عن شخصية بتختلف عنهم فهي بتشد انتباهم انهم يههتموا بالعرض ويركزوا مع هاي الدمية

 

كيف بتكون استجابة الاطفال بشكل عام ؟

 

الاولاد كتير عمالهم بنشدوا لهاي الدمية لانو هي غريبة بتختلف عنهم بتفتح تمها تضحك وبتبكي فهم كتير عمالهم بندمجوا معها وعمالهم بيحاولو يحللو هي كيف بتشتغل وبتتحرك فبشوف الدمى اشي كتير فعال مع الاطفال

 

هل الامر بالنسبة الك اشي حلو تشوفي الاطفال بضحكوا وببتسموا؟

 

اكيد يعني اي حد عنا رسالة نوصلها وحدة منها نزرع الفرحة في قلوب الاولاد فهم عمالهم بكونو كتير مبسوطين بالبرامج عمالهم بضحكو وهاد الاشي كما احنا فريق بفرحنا انو عم نقدر نوصل رسالة صح لالهم

 

هل بتروحو للمدارس الخاصة والمدارس الحكومية؟

 

اه احنا بنروح لممدارس حكومية ومدارس خاصة المدارس الخاصة يعني هي معبية في بيت لحم موجودة في كل مكان والمدارس الحكومية عمالنا بنروح على قرى بيت لحم اللي المناطق كتير بعيدة

قديش انت مرحب فيكي في المدارس الحكوميه

عمالهم كتير مبسوطين معنا بتششجعوا انو حتى في مدارس بوخدوا ارقامنا من المدارس الحكوميه اشتغلنا معهم من قبل عمالهم بحاولو يحكوا معنا يرتبوا معنا هم الي بدوروا علينا مش احنا بندور عليهم صرنا

هل بس بتروحي للمدارس ولا بتروحو للكنائس ومجموعات شبابية كمان

احنا بنروح مش بس لكنايس احنا بنروح مخيمات صيفية لمجموعات ما بنروح لفئة محددة بنشتغل احنا مع الكل

شو نوع الموضوعات الي بتعلمواها

نحن هدفنا نوصل رسالة المحبة اكتر اشي يعني في رسائل كتيرة بنوصلها من خلال عروضنا زي المحبه المغفره وقبول الاخر وعمالنا كثير بنركز على المحبه لانها اساس كل شيء

 

هل عندكم برامج خاصة في اعياد الميلاد واعياد الفصح؟

 

للكريسمس هلا حاليا عمالنا بشتغل عروض في عنا 12 عرض لبيت لحم ومناطق بيت لحم عشان نوصل اكبر عدد من اطفال فعنا رساله نوصلها الي هي رساله العيد ورساله المحبه من اجلها تجسد المسيح

 

هل هاض الوقت هو اكثر وقت بتكوني مشغوله في السنه؟

 

اكيد يعني احنا بموسم الكريسمس والايستر هو بكون ضغط كثير كبيره لانو بنشتغل مع اكترمن فئة فهاد الاشي بخلي على المكتب ضغط انو موسم بتصفي لالنا فبدنا نحضر ونحط ونشيل فبتعد هي اهم الاحداث الرئيسيه هي الكريسمس والايستر لالنا

 

شو معدل الاعمار الي بتشتغلي معهم؟

 

نحن نشتغل مع فئات مختلفة يعني احنا بنشتغل تقريبا من سن اربع سنين ل 30 سنة لانو برضو احنا عنا كمان اشي شبابي اكاديمية شبابية والاكاديمية الشبابية هي بنشتغل مع فئات كبيرة من الكبار

 

هل بتحتاجي تكوني طفل كبير عشان تقدري تقومي بهاد العمل وهل هو ممتع بالنسبة لالك؟

 

كتير مرات لازم هو صعب انا اكون كبيرة واعطي اشي للاطفال لازم ننتازل عن شخصيتنا وننزل لمستوى الاطفال عشان نقدر نوصلهم الرسالة صح لانو لازم نشوف الاشياء الي بنعطيها من نظرة الاطفال مش من نظرتي كحدا كبير

 

على اي مناطق بتروحوا في فلسطين؟

 

نحنا منزور مناطق مختلفه احنا بنروح على اريحا منشتغل مع اطفال في اريحا كمان منشتغل مع اكتر من ناس يعني خارج بيت لحم طبعا كلو ضمن تنسيق مع مكاتبنا مكاتب الجمعية الموجودة في مختلف مناطق الضفة وهم بنسقولنا برامج وبنروح بنعطي اطفال هناك فاحنا كتير مبسوطين بانو احنا بنقدر نوصل مدن كمان مش بس بيت لحم

 

هل بتحصلوا على تغذية راجعة من المدارس عشان الي بتسووه؟

 

اكيد لما بيرجعوا يحكولنا بدنا اياكم كمان مرة هاد اشي بوصلنا كديش هم انبسطوا ببرامجنا وقديش احنا قدرنا ناثر بالاولاد

واكيد بتحبيني وتشوفي بسمه كبير على وجه الاطفال

اكيد الضحكة لما تكون قادر ترسمها على الوجه للطفل هاد بخليك تنسى التعب اللي تعبته مرات وانت بتحضر في برنامجك فانو انت بتصير بس بدك تعطي كتير مبسوط تنسي كل التعب والضغط الي عليك لما تشوف الولد مبسوط في الي انت بتعطيه

هل تعتقد انه هاد بساعد الاطفال في حياتهم لانو في كتير صعاب ومشاكل بالعيلة كمان الوضع السياسي فانتم تكونوا مثل كانكم بتجيبوا الامل للاطفال

صراحة مش سهل مرات بس انو في قصص ماثرة كانت في اطفال تعلموا اشي من مسرحية هما عاشوه بعدين كنا نرجع نتلاقى باطفال اه هاي علمتني عن المحبه او عن العطاء فكانت انو قدرنا نترك شيء في ذاكره الاطفال وانو احنا قادرين ناثر بالاولاد لو حتى اهلهم في مشاكل في البيت او مشاكل سياسيه او اي شيء قدرنا نترك رسالة مع الاطفال

 

هل العمل الي بتقومي فيه بجلب السلام لهاد المجتمع؟

 

اكيد انو السلام كتير اساسي والسلام ببدا يوم انا بتقبل الاخر وبحب الاخر زي ما بحب حالي فيوم احنا بنركز على المحبة والمغفرة احنا بنوصل رساله سلام لاهم

 

ليش بتقوموا بهاد بالعمل؟

 

عشان في رسالة بنحملها للعالم زي ما يسوع اجا عالارض وحمل رسالة رسالة المحبة ورسالة التضحية نحنا برضو ك سفراء المسيح برضو النا رسالة في هاي الارض انو احنا نوصل رسالة لهدول الاطفال ولكل حد بنشتغل معو انو احنا سفراء عن المسيح فلازم نعكس صورته عشان خليهم هم برضو سفراء المستقبل للمسيح

 

هل بتقوموا بصنع فرق في المجتمع؟

 

اكيد في مرات عشان في اولاد ما نرجع نلتقي معهم كثير صعب انو نحنا نشوف التغيير الي سويناه بس احنا بنزرع وبيجي وقت راح نحصد تعبنا في وقته اوكه انا بغير هون وبغير هون بس تغير بدو وقت بشوف ان الاولاد راح لقدام شوي راح نشوف تعبنا معهم

 

شو هي صلاتك للاطفال في فلسطين؟

 

اكيد انو انا صلاتي الي بصليها الاطفال انهم يقدروا يعرف شخص المسيح عن جد لانه نحن في مجتمع عماله بعاني في ضغوطات كثير على هذول الاطفال وصور مشوهة عن كثير اشياء فصلاتي عن جد يلتقوا مع ربنا ويعرفوا من هو الشخص المسيح عشان يقدروا يغيروا نظرتهم للعالم ويقدروا يعيشوا بسلام اكثر ومحبة اكتر

 

شو موقعكم الالكتروني الي بحب يعرف اكتر عنكم ؟

 

كلمات الله موجودة على الفيسبوك هي بنزل عليها نشاطاتنا لكل افرع الجمعية فممكن تدخلوا تزوروها وتشوفوا شو منسوي نشاطات مع الشباب وجميع شرائح المجتمع كمان

 

الاكثر من اخبار الحياة

ﻗﺎﺋﻤﺔ ﺍﻟﻤﺮﺍﺳﻼﺕ

اتصل بنا

  • بريد الكتروني studio@radiohayah.ps
  • هاتف (970) 022777019