راديو الحياة قابل عامر نيقولا من قرية الناصرة،

كيف كانت الحياة في الكتاب المقدس؟

Listen in English

ما هي قرية الناصرة استاذ عامر؟

قرية الناصرة هي عبارة عن قرية اللي فيها احنا بنينا الناصر كيف كانت قبل 2000 سنة على زمن السيد المسيح، بنينا بيوت و ابنية من الحجر ومن نفس مواد البناء اللمستعلمة قديماً، وبنينا مجمع و معصرة زيتون ومن خلال العمل على اقامة القرية يظهر انه هون في اثارات للأرض التي كانت تنزرع قبل 200 سنة، واضفنا لكل هاد الشي الناس اللي رح يكونو لابسين اللباس القديم اللي بيشبه لباس قبل 200 سنة، واللي بيشتغلوا بالارض وبنفس الادوات التي كانو يستعملوها او يستخدموها، حتى الزائر يختبر كيف كانت الحياة في هداك الوقت وكيف القصص في الكتاب المقدس رح تكون اوضح من خلال الزيارة هون.

متى بلشتم كمؤسسة وليش؟

احنا بلشنا كمحل هو او كمؤسسة حتى نظهر كلمة الرب وكلمة الانجيل للزائرين المختلفين اللي بيجو من مختلف انحاء العالم حتى يفهمو ما هي تعاليم يسوع و ما هي تعاليم القصص اللي في الكتاب المقدس وكمان حتى يفهمو كيف الحياة اللي كانت بهديك الفترة وكيف كانت موجودة حتى قبل 100 سنة الناس عاشت حياة شبه الحياة التي عاشها الاجداد قبل الاف السنين.

هل بتطلب كثير من الابحاث لتطوير هذا المكان؟

اكيد، في4 سنين من الابحاث والدراسات والحفريات الاثرية حتى نبني كل شي بالزبط كيف كان في هدي الفترة، حتى نكون دقيقين واحنا رحنا وزرنا اماكن اثرية مختلفة حتى لما نبني وكان معنا خبراء اثار لنعمل نفس كل شي كان بهديك الفترة.

هل وجدت كثير اثار لما بلشت هون؟

طبعا احنا لاقينا العديد من الامور في الحفريات الاثرية، لقينا معصرة عنب محفورة بالصخر ولقينا سناسل للزراعة فحتى كانت الزراعة بتحتاج بناء مثل هذه السناسل لزراعة مدرج من المزروعات ولقينا محاجر للحجر اللي بنوا فيه البيوت، ولقينا جهاز ري حيث بشمل قنوات ري وآبار ومجمعات للمي ولقينا هون برج للمراقبة وهاد كان شيء جدا مثير، حيث في واحد من امثال يسوع في مرقص اصحاح 12، بيحكي انه هنالك في انسان زرع كرم واحاطه بسياج او سور و حفر حوض من عصارة وبنا برج وسلمه وسافر، وهذا المثال يطابق تمام الاشياء اللي لقيناها هون، وهاي الارض بعيدة عن يسوع 500 متر يعني قريبة، فأكيد يسوع بيعرف الارض وكان يجي علهيا وهذا بثبت انه الاشياء المكتوبة اللي كانت تعكس الحياة الطبيعية والزراعية في هذا الفترة.

المسيح من الناصرة، فعشان هيك مر كثير من هون؟

طبعا، يسوع اجا على هذا المكان من دون شك، لأنه كان في بيت لحم واحنا منعرف انه كل واحد في بيته بيعرف شو الاشباء الموجودة طبعا، فيسوع كان يعلم ويجاول يوصل للناس وين موجودين، فكان يمر بأراضي زراعية وما كان في كثير مزارع في تلك الفترة. منحكي عن قرية صغير فيها 400 او 500 انسان.

عندكم ممثيل للعروض الحية بيجلبو الحياة للقرية؟

في عنا هو اكيد اشخاص للشخصيات الموجودة وبيلبوا اللباس القديم ليمثلوا شخصيات في القرية بأشغالهم المختلفة ان كان الزراعة والفلاحين او نجارة او الحياكة او الناطور اللي بيرعى الارض او برج المراقبة، ف الاشخاص الموجودة بتعكس الناس بمختلف خلفياتهم وهدول منسميهم الحجارة الحية. يسوع حكا كثير عن هالموضوع، الحجارة الميتة هي الابنية وغيرها اما الحجارة الحية هي الناس، وهم اللي بيستقبلوا كلمة الله، وهم اللي بيعكسو الحياة في هديك الفترة.

هل عندكم الكثير من المتطوعين؟

اكيد، موجود عنا الكثير من المتطوعين، بيجو بيتطوعوا من مختلف الاماكن من العالم، بيلبسو اللالبسة المختلفة للناس في هديك الوقت، منعلهم كيف لازم يتصرفوا كشخصية، وهاد بيضيف طابع حلو، لأنه لتكون قرية يجب انه يكون فيها ملان من الناس، مش بس عدد الاشخاص الموجودين هون، وبالاضافة للشخصيات المتطوعة اللي بتضيف، وكيف القرية تضج بالناس وهاد شي كثير حلو وبيعطي صبغة حلوة للقرية كيف كانت. ونفس المتطوعين بينبسطوا في وجودهم هون، حيث بيرجعوا الفين سنة لورى، وبيختبروا الحياة بنفسهم.

في كمان حيوانات هون؟ شو بيعملو هون؟

طبعا في حيوانات هون منستععملهم مثل الحمار اللي بنستعمله في الشغل الزراعي ان كان في الحراثة او في معصرة الزيتون، والخرفان اللي بكون عندهم راعي، ومنعرف انه يسوع قال كثير امثال عن الراعي والخرفان وكيف بتطور هاي العلاقة ومنختبر هاي العلاقة حيث بيصيروا يمزوا الراعي وبيصيروا يتبعوه، وبيأثر علينا كثير اذا تغير الراعي مثلا.

هل بتشتغلوا في كل الفصول؟

منعمل في مواسم مختلفة، ومنحكي هون عن الزراعة والزراعة مواسم، مثلا في الشتاء منزرع ومنحرق الارض في المحراث القديم على الحمير. وفي الصيف منحصد بالمنجل، ومنكدس القمح على البيدر، وبالخريف احنا منلقط الزيتون ومنعصرة في معصرة الزيتون هون، كل موسم بيختلف وضعه حسب متطلباته.

قديش الناس بيزورو هاد المكان في السنة؟

تقريبا بيجي عنا بحدود 65 الف واحد من مختلف انحاء العالم.

هل هاد بيساعد اكثر في فهم الانجيل لما بيجوا بنفسهم؟

طبعا، الكثير من الاشخاص اللي زارو المكان حكوا واعطو انطباعاتهم و قالو انهم هلا بيشوفو الانجيل من زاوية مختلفة، هلا في خلفية معينة ممكن يرجعولها ويفهمو الانجيل بشكل اوضح. فالمسيح وما قاله من ناحية كل شيء موجود في هداك الوقت في مختلف النواحي، وهاي الامور صارت اوضح في الانجيل بالنسبة للناس اللي اجوا، والناس اللي ما قرأو الانجيل بسبب هاد المكان اتشوقوا لقراءة الانجيل.

وبالتالي الناس بتبلش تفهم ثقافة اليوم؟

طبيعي، الحضارة والتقاليد هي لب الموضوع، وقصص الانجيل، وامثال يسوع. احنا معكس برضه كيف كانت الحضارة والتقاليد والعادات على زمن يسوع. وبعض الاشياء حكا عنها وشجع وجودها المسيح، ومن خلال زيارة الناس لهذا المكان رح تتوضح الامور هاي بشكل اكبر.

ليش بتقومو بهالشي؟

احنا هدفنا نظهر كلمة الله وكلمة يسوع وتعاليمه وامثاله وقصصه للأشخاص اللي يمكن قرأوا الانجيل ولكن بزيارتهم حصلو على توضيح اكبر، ولكن كمان الاشخاص اللي ما قرأوه من قبل، هي فرصة انه يسمعوا كلمة الله ويسوع يسمعو كلمة الانجيل، وطبعاً ممكن يعمل تغيير في حياتهم ويفتح شهيتهم ليقرأو الانجيل لما يروحو البيت. ما هي صلاتك للناس اللي بيزورو هالمكان.

ما هي صلاتك للتاس اللي بيزوروا هاد المكان؟

صلاتنا لله انه كل الاشخاص اللي بيجوا هون تنفتح اعينهم على معرفة شخص السيد المسيح، ومعرفة محبته والحياة الابدية اللي بيعطيها من خلال كلمته، والاشخاص اللي بيعرفوا يسوع والمؤمنين ولكن لسا امور الانجيل مش عارفين بقدروا يعرفوا كلمة الله من خلال المكان هاد.

شو هو موقعكم الالكتروني للناس اللي بيحبوا يعرفو اكتر عنكم.

http://www.nazarethvillage.com/