العمودية
اعتمادا على البلدة القديمة القدس
نورا شو هيا الجمعية الارثوذوكسية العربية ؟
الجمعية الخيرية الارثوذوكسية العربية هي جمعية خيرية اخدت اسمها من الانجيل ولكن اهدافها ما هي دينية ولكن اهدافها اجتماعية صحية تنموية الخ ... فهي وحدة من الجمعيات الاوائل اللي انشات في مدينة القدس في سنة 1926
ليش بلشتو كمنظمة ؟
احنا انشئنا كجمعية خيرية لانو كان في رقابة شديدة على التجمعات الانسانية وحتى تستمر في تقديم خدماتها السنوات بتختلف طريقة المفاهيم اختلفت المفاهيم الخيرية التنموية اختلفت فهي انشات كجمعية حتى ضم في جنحانها معظم الناس اللي بهتموا انو يكون العمل منظم
شو مهمتكم هون ؟
رسالة الجمعية هي الخدمة الصحية حق لكل انسان الرعاية الاجتماعية حق لكل انسان ودون تمييز لا في اللون ولا في العرق ولا في الجنس ولا في الدين
عندكو كتير من المشاريع المختلفة احكيلنا شوي عنها ؟
اول ما بدات الجمعية كان باقامة عيادة متخصصة وتقدم خدماتها للجميع بعد ما كان هناك مسموعات لاغلاق مستشفى لوس بيس في السبعينات فتم انشاء العيادة واشتركت الكنيسة في تقليم المكان وتقديم مصاريف الكهربا والمي الخ ... ومن هاك الوقت 1978 لليوم المركز الطبي موجود اسمو مارفيديكتوس على الارض البطرقي الروم الارثوذوكس ولكن الكنيسة ما بتدخل في ادارة المشروع وهو عملية الجمعية وهي المسؤولة عليه ولكن تبين النا كتير في سنوات الانتفاضة انو كتير من الناس كانوا طالبين مساعدات ما كانوا بدهم رعاية بالشكل المطلوب الا انهم بدهم مساعدة فكان تعليمات الصبيات المرشدات الاجتماعيات الاخصائيات انو يجتمعو مع السيدات خوات زوجات اللي بيجو بدعو انهم مرضى على اساس انو يشوفو ازا في امكانية يتمرنوا ويدربوا على المطرزات لانو كل ست في بيتها او معظم الستات بتعرف التطريز ولكن ما بعرفوا يطرزوا للزوق العالمي الغير محلي وهناك كان في طلب على يدربو لتسمية الاكل من معجنات وحلويات الخ ... فانشانا محلين محل مركز ميليا اللي بحمل اسم مركز ميليا الحلبي المؤسسة الجمعية اللي ما تزوجت اللي كل ست في القدس كانت تعرف اسمها لانو كانت تجيبلها شغل وبعدين انشانا موضوع بنت البلد اللي كان الها علاقة بالمشاريع اللي لالها علاقة بالاكل الفلسطيني والمعجنات الفلسطينية حاليا في مشاريع بنفس المجال في كل مناطق فلسطين والضفة الغربية وفي القدس كمان وبعدين لانو موجود اشياء ثقافية وتراثية حبينا انو نجمعها في مكان واحد بطريقية الروم مقابل اعمالنا اعطتنا مكان شبه مدمر رممناه وموجود في وسط حارة النصارى داخل اربعة حارات مهمين في القدس القديمة وانشانا متحف للوجود لانو المكان كان قابل للمصادرة والاستيلاء عليه من قبل المستوطنين فاحنا رممناه وحافظنا عليه وجددناه وهو بمثل متحف داخل البلدة القديمة وبعود تاريخ الاغراض الموجودة فيها وتاريخو لعصر المماليك اللي هما قبل الحقبة العثمانية التركية و واقف على رجليه وهو صرح في البلد القديمة وطبعا كان في هناك تدريبات عديدة من سيراميك والرسم على الزجاج وتصنيع العقود والديمة التراثية والغير التراثية وكل المجوهرات القديمة قدرو الستات ينتجوها وعدد منهم كبير بشتغل في بيوتهم ومع اسرتو بقدر انو يسوق هاي الاغراض والامور قادة ان شاء الله في تفكير انو نعمل مشاريع جديدة للبلد القديمة
هلا مركزكم الطبي في القدس القيمة هل هاد مهم بالنسبة للمجتمع ؟
رغم وجود صناديق المرضى التابعة للنظام الاسرائيلي الا انو وجود المركز الطبي في البلد القديمة مهم جدا هي رسالة الموسسة ورسالة البطرقية رسالة المؤسسو لانو انشات المؤسسة لتقديم الخدمات الصحية الطبية لسكان البلد كانت في البداية للمحتاجين فقط ولكن حاليا للجميع مفتوحة مهم جدا لانو في بلدة عربية في حالة اي تغيير سياسي هي بتكون الخطوة الاولى او الحجر الاول لتقديم خدمات في البلدة القديمة
هل في اشخاص بعبشو في فقر عشان هيك المركز الطبي حيوي ؟
في عدد كبير من المحتاجين رغم انو في هنالك مساعدات للاطفال والاهل المسنين من قبل الجهاز الاسرائيلي الا انو في كتير من المحتاجين اللي بضيعو بين الشريحات متل ما في عندهم اطفال مش مسنين وشريحة غير قادرة على العمل فالوضع الاقتصادي والمعيشي في القدس غالي جدا فهي من اغلى بلدان العالم ومش كل الناس بقدرو على مصاريف والعيشة في المدينة الاجارات غالية المواصلات مكلفة المصاريف اليومية حتى الاكل غالي جدا ازا ما قورنت بالمناطق التانية احنا منعيش جيران لاسرائيل . اسارائيل مستوى المعيشي عالي جدا فاحنا عايشين اقل من الدخل الاسرائيلي ولكن بنفس المستوى فهون الصعوبة حيث مجالات العمل محدودة جدا خاصة اللي عم بخاجر احنا منحكي عن نسبة عالية من الفقر بالاحصائيات الاسرائيلية 85% من سكان القدس القدية والقدس بشكل عام بعيشو تحت خط الفقر
هلا عندكو مركز للفنون والتدريب هل بتجذبوا الفرح والكرامة لهؤلاء النساء ؟
طبيعي هو اهم اشي كرامة الانسان كرامة المراة امكانية الحفاظ على كرامة ذاتها واستقلاليتها , الاستقلال الاقتصادي هناك في كرامة بالزات فاحنا لما منحكي امراة قادرة على الانتاج بتعرف كديش قيمتها في قلب البيت وكديش عندها تحمل بالصرف على البيت فطبيعي كرامة المراة انسانية المراة وتقليل العنف ضد المراة كل هاي الامور مهمة جدا للحفاظ على تركيب الاسرة
هل التراث المسيحي مهم بالنسبة للعالم الارثوذوكسي العربي ؟
طبيعي يعني احنا منقد للبلد والمجتمع حضارتنا والمعروف انو كان المسيحيين من سنين هم الخبراء اللي عندهم الامكانيات التعليمية المهنية واشطر ناس كانو بالمهم المسيحيين اليوم انت بتحكي عن اقلية جدا من المسيحيين بالقدس بعرفش كديش المستمعين بقدرو يعرفو انو نسبة المسيحيين في المدينة المقدسة 0.5 يعني اقل من واحد ازا ما كان الهم الحفاظ على تراثهم او الحفاظ على ثقافتهم بكونش الهم كيان فالثقافة التراثية المعرفية العلمية مهمة جدا للحفاظ على التواجد المسيحي اللي ما منبشر فيه احنا لكن منمارسو
هل بتحدثو ا فرق في المجتمع ؟
طبيعي احنا منعمل تغيير نوعي يعني معروف انت لما تيجي على مكان مسيحي بكون مكان مرتب نضيف اخصائيين موجودين فيه واحنا واحنا منعطي الموديل ومنعطي النموذج لغير المسيحيين بكيفية
التعايش بكيفية تقبل الاخر بكيفية التعامل بسلام وامان واخلاص مع المجتمع ككل فاحنا ما منامن احنا عنصرية في المدينة المقدسة احنا منفتحين لكل دين ولكل انسان انسانية الانسان بتيجي بالدرجة الاولى
شو صلاتك للجمعية الارثوذوكسية العربية ولمستقبل الجمعية
سلام سلام سلام ... سلام من القلب سلام بالعمل مش سلام كلام احنا بنؤمن بالعمل والعدل . السلام والعدل والصلاة . الصلاة مهمة جدا الصلاة للديانات كاملة والتعايش السلمي مع بعض التعايش بانسانية الانسان واحترام انسانية الانسان لكل انسان دينو وعلاقته مع ربه ولكن العلاقات والعمل بميز الانسان من خلال دياناتو المختلفة
الكثير من وسائل الإعلام
FILMED OVER BETHLEHEM
توقف عن التدخين