كنيسة المهد

تاريخ

Listen in English

يسوع المسيح احدث فرق في كل مكان راح عليح فخلينا نسمع من المرشد السياحي جورج صفر عن تاريخ كنيسة المهد

صباح الخير انا اسمي جورج انا ترجمان مسيحي فلسطيني عايش في بيت لحم وترجمان بشتغل للجروبات الي بتيجي على بيت لحم وحسب تقاليدنا الشرقية احنا لما نحيي السواح بنحكيلهم اهلا وسهلا وبيعني هاد الاشي انو انتو موجودين في بيتكم من اللحظة الي احنا منستقبلكم فيها منحكيلكم هاد هو بيتكم التاني وحسوا براحة بين اهلكو وبين اخوتكم وخواتكم بخصوص بيت لحم هلا في ناس بتيجي تحكي مثلا شو معنى بيت لحم كبيت لحم ؟ بيت لحم اصلها كنعاني طبعا الفلسطينيين بال3000 لحد 4000 سنة هم الي اعطوا هاي البلد او هاي المدينة خصوصيتها واعطوها المعنى الاصلي لها الي هو بيثلخمو . بيثلخمو هو بيت او هيكل الاله لخمو لما احنا بنحكي عن الخصوبة تبعت الارض هذه نحن نعكس اشي موجود في هذه الاراضي المقدسة وخصوصا في بيت لحم التي هي في خصوبتها والارض التي تعطيها احنا ازا بنحكي عن الاراضي المقدسة نحن بنحكي عن سبع اصناف او سبع اشجار هي لساتها بتنزرع في هذه الاراضي المقدسة بنحكي عن شجرة الزيتون وشجرة التين وشجرة الرمان والعنب والقمح والشعير والنخيل طبعا هاي النخيل عليها علامة سؤال كبيرة انو هل هي مزروعة وموجودة في بيت لحم او لا هي مزروعة اكتر اشي في اريحا وحسب الانجيل المقدس او حسب الكتاب المقدس غير انو الكنعانيين اعطوها هذه المنطقة اسمها الكنعاني عندك اولاد اسرائيل اجو على هذه المنطقة واعطوها اسمها التوراتي كيف؟ طبعا النبي موسى حسب التوراة توفى في الاردن هديك الايام كانت معروفة في بلاد المؤابيين وبعد وفاة او خلينا نحكي فترة قصيرة قبل وفاته اعفى القيادة للشخص من قواد العسكريين اسمو جورشوا هو الي ساعد الشعب الاسرئيلي انو يعبر نهر الاردن من جانبه الشرقي لجانبه الغربي وفي اللحظة التي وصل فيها الاراضي هان خلينا نحكي بعد فترة قصيرة قال للشعب انو انا رح اقسم الارض بينكم ل12 سبط او 12 سبط لاسرائيل واعطى هذه المنطقة الي احنا بنحكيلها بيت لحم بيت لحم جودا او بيت لحم يهوذا فنحنا حسب التوراة وحسب كتابات الكتاب المقدس العهد القديم في عنا كتابتين وفي عنا تسميتين لبيت لحم الي هي بيت لحم زيبلون ضمن السبط الزيبلون في الجليل وبيت لحم يهودية .ازا احنا بنقدر نحكي ازا المسيح نكتبلو يضل في الجليل دون ما احنا نحكي الاشياء التي صارت هديك الوقت انو كان احتمال كبير انو المسيح يولد في عزبة كبيرة او ممكن يولد في قصر او يولد في قلعة او يولد بيت كتير مرتب بس الخطة كانت انو يجي على بيت لحم ويلد في مغارة في احدى النقاط التي بتحكي انو حسب الترجمات العبرية والارمية بتحكي انو المسيح ولد في هذه المنطقة بس حسب الترجمات بتقول او هذا هو بيت الخبز طب هلا احنا بنحكي هذا هو بيت الخبز وبنفس الوقت بنحكي هذه ارض الخصوبة طبعا الخصوبة بتعكس اشي المسيح قاله او حكاه في الانجيل المقدس الي هو حسب انجيل يوحنا لما قال انا هو خبز الحياة النازل منا السماء. في ناس بتحكي اوكيه انت بتحكي هذا بيت الخبز اشي بختص في خصوبة الاراضي المقدسة بس انو بيت لحم هي لحم الجواب رح يكون انو ارجعوا للانجيل يوحنا وانجيل يوحنا بحكي انو الكلمة صارت جسدا وحل بيننا انا بجاوبهم وبحكيلهم انو حسب الايمان المسيحي المسيح هو ابن الله هو ابن الانسان هو الشخص الثاني من الاقانين الثلاث الي بتحكي عن الاب والابن والروح القدس . هلا احنا بنعرف انو بيت لحم بحدها القدس القدس في مدينة الله طبعا بتبعد عن مدينة بيت لم تقريبا ست اميال ونص او حسب القياسات الكيلومتر هي ثمانية كيلومتر بتبعدنا عن الصحرا يهوذا تقريبا من عشرين لخمسة وعشرين ميل صحراء يهوذا بتذكرنا بثلاث اشياء كتير مهمة نحنا في الكتاب المقدس الي هي الملك داوود.الملك داوود كان في خصومة مع الملك شاؤول وكان شاؤول عنده غيرة من ناحية داوود فكان داوود اغلب اوقاته ملاحق من الملك شاؤول فاحدى الاماكن التي كان يلتجأ لها هي صحراء يهوذا هي عين جدي واماكن كتير هي موجودة بهديك المنطقة بس تانيا بتذكرنا كمان في يوحنا المعمدان . يوحنا المعمدان عاش في المنطقة هديك  بعض السنين قبل ما يبلش انو يعظ ويصلي في الناس في نهر الاردن طبعا بتزكرنا في يسوع المسيح بعد ما تعمد في نهر الاردن تجرد من الشيطان فصام اربعين يوم اربعين ليلة وبعدها تجرد من الشيطان ففي منطقة موجودة نحنا في اريحا اسمها جبل التطويبات جبل التجارب بتزكرنا في تجارب المسيح الي صارت معه في هديك المنطقة وهم تجربتين التجربة الاولى بتزكرنا في انو كيف طلب منو الشيطان انو يحول الصخر للخبز والتجربة التاني لما اخده على اعلى منطقة عاساس يجربه يفرجيه ممالك العالم انو يركع قدامه . طبعا نحن نعرف انو مدينة بيت لحم فيها كتير اشياء بتزكرنا في احداث صارت مع السيد المسيح بس اعظم واكتر حدث صار مع السيد المسيح في هذه المنطقة هو حدث الميلاد حسب القراءات الانجيل المقدس وحسب التاريخ بتثبتلنا ان هيرودس العظيم حسب ما اكن معروف بهديك الايام كان من اعظم البنا وبنى كتير مدن وكتير بلدات وموانئ في هديك المنطقة احدى هذه المدن كانت زيبوري هي بلدة يهودية في شمال غرب مدينة الجليل او خلينا نحكي مدينة الناصرة .ويوسف ممكن كان احد الرجال حسب الكتاب المقدس معروف عنه كان نجار ولكن حسب كتابات ايضا المؤورخيين الاوليين ان احتمال كبير كان بنا كان يستعمل الحجار في البنى ونحن بنعرف حسب التقاليد او حسب الكتاب المقدس الي بذكرنا انو العدرا مريم حبلت وحبلت بطريقة اعجوبية بالروح القدس بس يوسف ما تقبل هذه الشغلة وحسب التقاليد اليهودية انه بالطريقة التي حبلت فيها ولا انسان بتقبل هذه الفكرة فيوسف كان مخطط انه يتركها بس الملاك ظهرله وقلو ما تخاف الي حبلت فيه هو من الروح القدس ورح يكون عظيم بين الشعب فاخدها لبيته وخلاها معو لحد ما بلشت اللحظة التاريخية  هو الاحصا ، نحن بنعرف انو يوسف لما بدا رحلته طلع من الناصرة واجى وقف عند منطقة بيت لحم والمسافة التي تقطع بين الناصرة وبيت لحم تقريبا 120 ميل . نحن بنعرف فيه كتابتين او روايتين بتخص ميلاد السيد المسيح في بيت لحم . رواية لوقا بتحكي انه اجت من الناصرة وقعدت عند اليزابيث ورواية التانية بتحكي انو كان عايش في بيت لحم فكيف احنا بنحكي عن قصتين متناقضتين ما في خلاف بالقصتين ابدا ابدا بس بتحكي انه اجت قعدت عند قريبتها الي صابات قبل ما تكمل رحلتها عبيت لحم وحسب انجيل تبع متى بيحكوا انهم كانوا عايشيين في بيت لحم بس انا باعتقادي انه ما في خلاف في هالروايتين بتاتا لانه اشي منطقي تيجي تقعد عند اليزابيث لانه حسب الملاك قلها قريبتك هي حامل فشهرها السادس ورح النبي الي رح تولده رح يكون عظيم بين اولاد اسرائيل . هلا احنا حسب الكتاب المقدس بحكيلنا انه العدرا مريم ويوسف لما وصلوا الاراضي المقدسة او بيت لحم بقولو انه ما  قدروا يلاقو بيت او ما قدرو يلاقو محل في المنطقة العايشيين فيها ونحن بنعرف انه اهالي بيت لحم ناس مضيافيين ناس بترحب في الناس الي بتيجي بتزورها فهل في اشي تناقض بالاشي الي بذكرها الكتاب المقدس مع عادات الاهالي في بيت لحم انا حسب رايي لا ما في خلاف ولا في تناقض. كيف؟ نحن بنحكي عن الاحصا الي نادى له اغسطس سيزر الي هو احد اعظم الاباطرة في عالم الرومان القديم فطلب من كل اهالي بيت لحم  او طلب من كل اليهود في الاراضي المقدسة يرجعوا لبيوتهم انهم يرجعوا على بلداتهم لحتى يتم الاحصا بس السؤال انه ليش الاحصا في هديك الايام وبالذات في طلبو العالم الروماني من الاهالي في هديك الايام طبعا حسب ما قراته انا انه العالم الروماني كان في خلاف وفي حروب مع الشعب اليهودي خصوصا مع الحماسيين الي هم اليهود الغيوريين فالرومان كانوا على خطة انهم يعرفوا عدد الموجود العدد الاصلي الموجود   في الاراضي المقدسة في حال انه ثاروا ضدوا الرومان فالرومان بكونوا جاهزين ضد الحدث هاد فنحن بنحكي عن الطريقة التي ولد فيها السيد المسيح هل هو في مغارة مزبوط ؟ ولا بيت من البيوت الي احنا شايفينها في البلدة القديمة؟ مغارة هل هي اصلية ولا مش اصلية ؟ بيت طيب في ملان بيوت موجودة في بيت لحم بس احنا بدنا نعرف انه المنطقة منطقة بيت لحم موجود فيها مغر كتيرة واغلب البيوت الموجودة في البلدة القديمة مبنية على مغر وحسب وجهة نظر غربية المغر الي بتستعملها الاجانب او الي بستعملها العالم الغربي في بلادهم بقولولها منطقة الدور الارضي الي بيحفظوا فيه اثاثهم القديم او المستعمل.نحن بنحكي عن المغر طيب المغر ليش الناس عاشت فيها بس قبل ما اجاوبك على هذا السؤال نحن لازم نعرف انه الاراضي المقدسة هي اراضي مقدسة للثلث اديان لليهودية هي ارض الميعاد الارض الميعاد هي الارض الي نوعد فيها ابونا ابراهيم للمسيحية نحن نمشي على خطى السيد المسيح ميلاد السيد المسيح والقيامة والصعود والبشارة وللديانة الاسلامية هي المكان الي صعد منها محمد لسابع سما او هي اراضي وقف هي اراضي ما فيك تبيعها او انك تشتريها فعلى اساس هيك هي اراضي مقدسة والكل بدو يحارب عاساس انه يوخدها ازا وصلت العيلة المقدسة الى بيت لحم وحسب منظور بعض الناس انه بدهم يقعدوا في محل بس بنوخد في اعتبارنا كان في احصا والاحصا بدو يتم انه ناس كتير رح ترجع عبلادها وبيت لحم كانت معروفة بيت لحم صغيرة مش كبيرة بلدة صغيرة ممكن فيها عشر عائلات او عشرين عيلة وخلينا نتخيل انه كتير عائلات اجت عبيت لحم طيب العيلة المقدسة وين رح تنام ؟ في بيت ؟ بيوت ملانة في مغارة؟ احتمال كبير عاساس هيك اجت في المغارة وولدت السيد المسيح لانه اجى وقتها انه تلد فعلى اساس هيك كان في حروب كان في امم كان في شعوب بتحارب انه توخدها فالامان لعيلتي امان لاسرتي انه على اساس بضل اتنقل من مكان الى مكان انه اعيش في مغارة  فالمغر هاي كانت الخيار الافضل لامان عيلتي والخيار التاني حسب التكوينة تبعتها الدفىء في الشتا والبرودة في الصيف . نحن بنحكي عن المغارة طيب المغارة موجود فيها الاسطبل او حظيرة حيوانات حيوانات مع الناس في بيتهم اكيد في سبب طبعا نحن بنحكي ان الشعب اليهودي في ايامه القديمة كانوا يحفظوا معهم الحيوانات طيب حيوانات كبيرة؟ ما اعتقد لانه احنا لازم ناخد باعتبارنا قياس المغارة الي هي ستة متر في تلات متر في تلات متر  بتلائم حيوانات كبيرة زي جمل؟ ما اعتقد  هاد الاشي او البقر او الحمير طبعا لا .انا بايماني وحسب منظوري انه كان في نوعين من الحيوانات الناس تحفظهم معها في المغر هم الحملان او الخرفان الحملان هم الولاد الصغار تعون الخرفان فهاد بزكرنا في السيد المسيح نفسه طبعا هاد الاشي بزكرنا باللي نزكر في الكتاب المقدس عن الحمل والحمل حسب الانجيل يوحنا بزكرنا انه يوحنا المعمدان لما اجو رسله وتلاميذه الخاصيين بقولوله في معلم جديد ظهر قلهم انا ايامي معدودة رح انتهي ولست اهل حتى احل حذائه ولكن فيكم تتبعوه وتستمروا معه طبعا هون عماله بقصد اليسوع المسيح الي هو حمل الله فمن اللحظة تركو تلاميذه واتبعو السيد المسيح . ازا بدنا نحكي عن الكنيسة نفسها مسيطرة عليها اليوم ثلث طوائف هم الارمن والروم الارثودكس واللاتين طبعا احنا بنحكي عن طوائف عظيمة طوائف كبيرة ورئيسية في المسيحية بس بدنا نتزكر هدول طوائف بتامن انه هاد هو الموقع الاصيل الضبط الي ولد فيه السيد المسيح بس الانجيل المقدس ما بقلنا هيك الانجيل المقدس ما بذكرللنا انه المسيح ولد في مغارة بذكرلنا شغلة وحيدة انه ولد في بيت لحم طيب كيف؟نحن ممكن انه نحكي وين فيك ممكن تجيبلنا مصدر رئيسي موثوق؟ في عنا جوستين الشهيد في ال165 قال لنا انه المسيح ابن الله ولد في مغارة في بلدة بيت لحم على مسافة قصيرة من البلدة القديمة السؤال هو مين هو جيرون ؟ جيرون هو راهب كيرواتي اجى على الاراضي المقدسة على اساس يترجم الكتاب المقدس بجهتيه العهد القديم والعهد الجديد باستخدام العبرية القديمة للاتينية الجديدة طيب وين عاش؟ عاش في مغارة موجودة تحت اجرينا هلا مغارة كبيرة لمدة 33 سنة يترجم فيها الكتاب المقدس في كتاباته ذكر انه تمم وخلص ترجمة الكتاب المقدس من العبرية للاتينية في مغارة كانت موجودة او قريبة من المغارة الي ولد فيها السيد المسيح .اذا احنا بنوخد اعتبارنا للتاريخ  وقلنا انه الكتابات جوستين وكتابن سن جيرون مش موثوقة التاريخ شو بحكي ؟ التاريخ بحكي انه في سنة السبعين الميلادي قامت الثورة اليهودية ضد الرومان لما قامت الثورية في الرومان الكل بيعرف من صغير وكبير صار في حدث كبير تغير تاريخ المنطقة كلها الي هو تدمير الهيكل .نحن بنعرف انه في ثورة تانية حدثت في 135ميلادي هي ثورة باركوخبا او خلينا نحكي ثورة اليهود ضد الرومان في 135 ميلادي بس هاد هو باعتقادي انه هاد هو التاريخ الفاصل للاراضي المقدسة لانه كان حدث عظيم في ايامه كان حاكم البلاد اسمه هيدريان . هيدريان غير وجه التاريخ وغير حتى اسم بيت مدينة الله ومدينة القدس كاملة من اسمها التوراتي اورشليم او القدس حسب المفهوم العربي او الكلمة العربية  لايليا عاصمة الاله اليا  فحولها لعاصمة رومانية . نحن بنحكي اوكيه ازا انت بتحكيلنا صار في تغيير بالقدس شو دخل القدس ببيت لحم ؟ بيت لحم طبعا هيدريان اجى على المنطقة هذه وحاول انه يبيد اي اشي ويخلص علي اي اشي موجود فيها من ناحية مسيحية ويهودية فاجى عمنطقة بيت لحم وهدم المدينة ونصب تمثال لثاموس ادونيس نحن بنعرفه اله الرغبات او اله الحب فوق المغارة الي بامن فيها الناس بهديك المنطقة انه هي مكان ميلاد السيد المسيح فلسخرية القدر ثبت وعلم المحل هلا تاريخيا معروف انه في 313 كان في مؤتمر ،مؤتمر ميلان بقولو له او مجلس ميلان الي طلبته القديسة هيلانا طبعا نحن هديك الايام ما كان معروف  عن قسطنطين انه كان مؤمن بالمسيحية ما كان مؤمن بس دخل في الايمان من تشجيع من امه وعاساس هيك بعد المؤتمر بعت امه للاراضي المقدسة في 327 انه تبلش تدور عاماكن مقدسة وبرايي انه ما واجهت اي صعوبة انها تلاقي هاي الاماكن المقدسة لانها كانت محددة من الاهالي بهديك المنطقة لانه كانوا يزوروها .حن بنعرف انه الملكة هيلانا لما اجت وصلت للاماكن المقدسة ما واجهت اي صعوبة انها تلاقي المحل لانه انا ازا بدي اسال سؤال او اي واحد سائح تاني انه ازا انت حطيت نفسك بنفس الموقف الي واجهوه المسيحية الاوليين وعرفت انه هون ولد السيد المسيح شو ممكن تسوي؟ بروح بزور بحافظ على المكان وبقدسه . فعلى اساس هيك الملكة هيلانا لما وصلت صار تسال الناس انه دلوني على المحل هاد وهداك فلما وصلت هدت الهيكل وهدت التماثيل الموجودة وبلشت تحفر ولاقت المغارة والمدوث .نحن لما بيوصلو السياح للاماكن المقدسة بنقلهم انه هذه هي مش الكنيسة الاصلية بتفجأوا .لا ما في اشي تتفاجأو منه لانو الكنيسة الي بنتها القديسة هيلانا في 339 تهدمت على يد السامريين في 529 ونبنت كمان مرة على يد جوستينين الاول في 558 تقريبا بهديك السنوات فالكنيسة الي بنشوفها هلا بترجع للقرن السادس لهديك الفترة .

شو في اشيا تانية نحن  ممكن نلاقيها بالكنيسة نفسها الى جانب انه هي مكان ميلاد

السيدالمسيح؟

  البوابة لما الزائر بيوصل البوابة المقدسة بيصل ساحة المهد هي المكان الي بيتجمع فيه الناس بحتفلوا فيه لاعياد الميلاد وبعدها بلاقي حالو داخل عساحة المهد نفسها ساحة الكنيسة نفسها هلا اول اشي بيواجهه هو البوابة نحن بنحكي عن البوابة الرئيسية بوابة التواضع بس قبل ما نحكي عن بوابة التواضع نحن بنحكي على بيت لحم كانت سوق مشهور والناس كانت تدخل جوا الكنيسة على ظهور الحصان او ظهور الحيوانات هذا شيء غير مقبول لانه الكنيسة مكان مقدس فالصليبيين نزلو البوابة لنص الواجهة بعدين احنا  بنشوف في بوابة ثانية هي 160 سم ففي سبب من هاد الاشي عاساس يمنعوا الحيوانات انها تدخل على الكنيسة نفسها نحن لما بندخل قاعة بنشوف بندخل البوابة التواضع بنشوف باب كبير هاد الباب كبير كان اهدى من احدى الاباطرة الارمن  بس كتير مهم هاد الباب بالنسبة لكل زائر انه مصنوع من نفس فصيلة او نوع الخشب الذي استخدمه الملك سليمان الف سنة قبل الميلاد الي هو ارزة لبنان بتزكرنا طبعا في بناء الهيكل قبل  الف سنة قبل الميلاد  الي استخدم هاد النوع استخدم هاد الخشب في بناء الهيكل الملك سليمان . طبعا على البوابة نفسها بنلاقي اشياء كتير حلوة الي هي الصليب او نموذج الصليب الي بستخدموه الارمن والجهة التانية بتورجينا نموذج الصليب الي بستخدموه الروم الارثودكس مع كتابات موجودة على البوابة . طبعا نحن بندخل الكنيسة من هاي البوابة بس في اعتبار انه لازم نعرف ان الكنيسة شكلها شكل الصليب القاعة الرئيسية والجهة الجنوبية منها بتخص الروم الاورثودكس والجانب الشمالي الارمن والكنيسة الجديدة الموجودة على شمال البناية القديمة نفسها بتخص طائفة اللاتين . لما بندخل الكنيسة بنلاقي الفسيفساء ارضية موجودة تحت الارضية الاصلية هاي الفسيفساء بتزكرنا بتاريخ القديسة هيلانا 339 ميلادي واكتشفها جديد هملتن . هملتن اجرى بحوث وحفريات في الكنيسة المقدسة لما اكتشف الفسيفساء في الارضية طبعا هاد يعتبر من اعظم الاكتشافات التي تمت في كنيسة المهد .طبعا هملتن يعتبر من اعظم علماء الاثار البريطانيين في هداك الزمن واجرى حفرياته في المنطقة لما اكتشف الفسيفساء. هلا احنا لما بندخل على الكنيسة بنشوف الفسيفساء بس السؤال بيطرح نفسه هل هاد هو الجزء الوحيد نحن بنشوفه؟ طبعا لا، هملتن بكل شجاعة مع الطوائف الثلاثة قرر انه يخفي الفسيفساء تحت الصخور والتراب بس احنا لازم نتزكر انه الاراضي المقدسة واقعة في وادي الانهدام منطقة زلزالية ففي 1927 صار في زلزال كبير فاضطرت الادارة البريطانية بهديك الايام انه تعمل بحوثات واجراءات امنية خصوصا لما تاذى السقفية تبعت الكنسية فهملتن هو شخص عالم اثار الي اجرى البحوث والحفريات في المنطقة لما اكتشف الفسيفساء هلا بين ايدي صورة اي واحد ممكن يلاقيها على النت فبلاقي الففسيفساء كاملة تحت الارضية الموجودة في الكنيسة . طبعا عارفين احنا هلا بيشنتي الي هي شركة او جمعية عم تجري بحوثاتها وحفرياتها في الكنيسة المقدسة بلشت ترميماتها من السقفية ونزلت للاجزاء السفلية من الكنيسة الي هي طبعا العمدان, والعمدان في عنا الرسومات الموجودة عليها بتزكرنا في الاعمال الي صارت بين الروم الارثودكس واللاتين لما رسموا عليها ملوك وملكات وقديسين وناس عظمى بتزكرنا في القرون الوسطى لانه هاد العمل تم في الجزء التاني من القرن الثاني عشر . نحن هان في بين ايدي رسمة بتفرجينا البوابة الاصلية الي كانت الناس تدخل منها للمغارة بس جوستينين قرر انه يسكر هاي البوابة ويفتح بوابتين وحدة بتأدي للمغارة من جهة ووحدة بتأدي للمغارة من جهة تانية . نحن بنعرف ان الاسلام والعالم الاسلامي بنظروا للمسيح كنبي وفي منطقة موجودة داخل الكنيسة الي هي الجناح الجنوبي الي كانوا يصلوا فيه افراد مسلمين لانه بكرموا المسيح كنبي وبكرموا العدرا مريم كمان كام يسوع او ام عيسى حسب منظورهم حسب ايمانهم بس العدرا مريم في الها فصل كامل موجود في القران بيذكرها وبيذكر هي الانسانة الوحيدة كمرأة مذكورة في القران , فنحن بنعرف انه في عهدة عمر الي هو قاد الجنود او الجيش الاسلامي من نهر الاردن وقطعوا واجوا القدس الشغلة الاولى الي عملها انه اعطى الامان والامن للطوائف المسيحية الموجودة في القدس وفي المدن التانية ومنها مدينة بيت لحم بس لما وصل بيت لحم نزل على المغارة وزار المغارة بس ما صلى فيها صلى في الطرف الجنوبي منها هاد حسب التقليد معروف في بيت لحم بس تقليد انه هل مسموحلهم انهم يصلو بالكنيسة؟ فيكو تصلو ولكن كفرادى وليس كجماعة يعني بمعنى ما فيك تأذن او انك تقرأ قران في داخل الكنيسة حسب عهدة عمر .

نحن في كنيستنا نتكلم الارامية زي ما بنحكي على الاجزاء التانية الموجودة في الكنيسة في عنا موقع اسمو موقع الختان ونحن بنعرف انه الهيكل تدمر في السبعين ميلادي ما ضل موجود بس حسب التقليد اليهودي لما يلد ولد في العيلة بوخدوه عاساس يختنوه بالقدس ويعطوه اسم واعطوه اسم ايمانويل .نحن معروفة انه ايمانويل هي احدى اللغات القديمة الكانت محكية في القرن الاول وترجمتها الله معنا بس باللغة العربية نحنا بنحكي يسوع المسيح بس انا ما بلاقي اي خلاف بينها وبين ترجمتها باللغة الانجليزية الي هي يسوع المسيح او

  بس في الارامية احنا بنترجمها للانجليزية بمعنى الممسوح معطي الحياة     Jesus Christ

بس الناس بتحكي طيب ليش في اليوم الثامن ليش مش في اليوم العاشر او خامس عشر او العشرين او التلاتين؟ لانه طبيا معروف انه الطفل ما بتطور فيتامين K

    هو فيتامين بساعد الاطفال في تخثر الدم فازا اتطهر الولد بده اشي يشفيه من الوجع ومن الالم وهاد الفيتامين ما بتطور الا باليوم الثامن

نحن لما بنزل على المغارة خمسة عشر درجة بنلاقي في هيكلين هيكل على ايدنا اليمين وهيكل على ايدنا الشمال اللي عاليمين طبعا بخص طائفتين الروم الاورثودكس والارمن والطائفة التانية هي اللاتين لما بننزل تحت بنشوف في نجمة والنجمة هاي مكتوبة عليه هون من العدرا مريم ولد السيد المسيح

السؤال انه انا بشوف ان النجمة من ست نقاط ومرات من تمنية بشوفها بس هون منشوفها من اربعة عشر فشو المعنى هون؟ طبعا بعني الاربعة عشر جيل للسيد المسيح المذكورة في انجيل متى الاصحاح الاول الي بتذكرنا الاجيال من ابونا ابراهيم لحد المسيح من ابراهيم لداوود اربعة عشر جيل ومن داوود سبلا بابل اربعة عشر جيل  ومن سبلا بابل للمسيح اربعة عشر جيل. نحن بنحكي بننزل عند المغارة بنلاقي المهد هو محل منحط فيه السيد المسيح لانه الانجيل المقدس بقلنا العدرا مريم اخدت يسوع وقمتطوا وحطتوا في المذوذ والمذوذ عبارة عن اسطبل داخلي كان موجود في الحملان الحيوانات الصغيرة والاسطبل الخارجي كان يستعملوه للحيوانات الكبيرة الجمال والبقر والحمير . نحن بعد ما بنطلع للمغارة المغارة الاصلية مغارة الميلاد بنلاقي حالنا عند الارمن والارمن في الهم هيكلين هيكل واحد بصلي فيه طائفتين اخريين الي هي طائفة السريان والاقباط بس في طبعا تحت ايد الارمن نفسهم معروف عنهم اول امة عملت او حسب كبلد قالت انه الديانة المسيحية هي ديانة الدولة وبعد ما بندخل عند اللاتين واللاتين في عندهم كنيسة كتير جميلة مبنية مجاورة للكنيسة القديم حسب الاضطهاد المسيحي حسب الكتب القديمة القديسة كاترينا اجت على المنطقة واثناء صلواتها في المنطقة ظهر لها السيد المسيح وقال له انها رح تتعذب فصار في اضطهاد روماني ضد المسيحية وسنة القديسة كاترينا كانت من احدى الشخصيات العظيمة في هديك الايام الي حاولوا الرومان يقتلوها على اشي اسمو عجلة التعذيب ولكن في اللحظة الي حطوه جسدها على العجلة تكسرت العجلة بس البطرياك شكلو ما استسلم من هاي الناحية فقطع راسها وحسب التقليد المسيحي جثمانها اخدوه الملايكة وحطوه في دير عظيم في سينا ومعروف بهالايام في دير مارسينا او دير سينا دير القديسة كاترينا ونبنت كنيسة كبيرة عظيمة لجنب الكنيسة المهد القديمة في ذكرى القديسة هذه الي كرست كل حياتها لدراسة الكتاب المقدس نحن بنحكي انه ثلاث حكاء او المجوس اجو من الشرق على الاراضي المقدسة بس مين هما ؟ حكمى علماء منجمين اجو للاراضي المقدسة سبعين نجم موجود في السما الي كتبهم قالت انه ملك عظيم مش احد الملك ملك عظيم رح يولد في مكان معين وزمان معين وفي وقت معين فتبعو النجم ولما وصلوا القدس كان حاكمها هيرودس  هيرودس العظيم كان من اسوا الملوك الي حكمت هاي البلاد بس كان بنى عظيم بس صار يسال الملوك عشو انتو بتحكو قالو له انه في ملك عظيم رح يولد في بيت لحم في منطقتكو اسف ما كان يعرفوا اسم المدينة ولكن استفسروا من الكهنة هديك الايام وقالو له صحيح رح يلد ملك عظيم في بيت لحم يهودا  فتبعوا نجم لحد ما وصلوا هون ولاقوه فيها بس خلال الوقت هاد ربنا بحلم قال ليوسف انه لازم توخد زوجتك مريم وتوخدو الطفل وتهرب لمصر. طبعا في خلينا نقول منطقتين بالكنيسة نفسها بتزكرنا في المقتل الاطفال في مدينة بيت لحم هلا ازا بدنا نوخد باعتبارنا الاحصا  وباعتبارنا مدينة بيت لحم صغيرة كانت ولكن بدنا نوخد باعتبارنا انه عدد العائلات الي اجت عبيت لحم لما بعت هيرودس انو يقتلهم للاطفال كمن واحد كان موجود؟ انا باعتقادي الي نقتلو كانو تقريبا من 200 ل300 طفل ليش؟لانه في عنا منطقتين في الكنيسة نفسها موجود فيها منطقة تعتبر فيها اللاتين انه محتفظة فيها بالعظام والجماجم تعون الاطفال طبعا الروم الارثودكس بقولو نحنا كمان موجودة عنا العظام والجماجم الي بتخص المذبحة الي صارت على ايدين الملك هيرودس .نحن لما نكمل رحلتنا بنلاقي حالنا في مغر القديس جيروم طبعا القديس جيروم عاش في المنطقة هاي 33 سنة الي ترجم فيها الكتاب المقدس من العبرية القديمة للاتينية وطبعا في القبر تبعه وفي عنا نظام مائي موجود تحت بعمق 10 متر وبعرض تقريبا 20 متر الناس تقريبا كانت تجمع المياه منها او فيها لحتى يتم استخدامها في ايام الصيف.

انا ما فيني اكتر احكي انه بيت لحم بلد عيد الميلاد بلد الكريسمس بلد المحبة وبلد السلام وبلد المصالحة وبلد بتزكرنا في وسيط السيد المسيح .اسمع يا اسرائيل الرب الاهنا واحد احب الرب الاهك من كل قلبك ومن كل نفسك ومن كل ذاتك وحب قريبك كنفسك . وحابب انه اختم اليوم جولتي بصلاة يسوع المسيح صلاها مع الرسل الي هي صلاة ابانا الذي ،اليوم ما راح احكيها بالانجليزي ولا بالعربي رح احكيها بالارامي  الي هي نفس لغة السيد المسيح الي احكاها قبل 2017 سنة .....................