صوت راديو الحياة
التشجيع على القراءة
-
شو هي مهمتك هون ؟
أنا المديره التنفيذيه للمركز كمان منسقة البرامج المختلفه فيه.
-
شو البرامج الي بتشتغلو عليها؟
إحنا بنشتغل على كثير برامج،البرنامج الأول هو الطالب الوهوب هو معمم على ١٢ مدرسة في بيت لحم بالإضافه للجامعات،كمان البرنامج الثاني هو المشاركه الثقافيهوالمجتمعيه للنساء،بنشتغل فيه حاليآ بالشراكه مع مركز الرواد بيستهدف٦٠ ست في مجال التفريغ النفسي عن طريق الكتابه،والشغله الثانيه في مجال محوالأميه لتعليم النساء الكتابة والقراءة ،والبرنامج الثالثالي احنا بنشتغل عليه حاليآ الي هو برنامج الأطفال،إحنا بنشجع الأطفال على القراءة وبنفس الوقت بنعمل إلهم تعليم ومحو أميه عن طريق التعليم بالوسائل المختلفه
-
هل بدك تشجعي الشباب والطلاب على قراءة الكتب؟
آه،في كثير طلاب في فلسطين عندهم إهتمام بالقراءة وبالكتب وبحبو يتعلموا.
-
هل الفلسطينية بحبو يقرأو وبقرأو كتب؟
يعني في نسبة منهم بحبو يتعلمو ونسبه منهم يعني على التكنولوجياومابيقراءُ كتب.
-
هل بقدرو الشباب يشتركو معكو ويحصلو على شهادة في اخر البرنامج؟
آه في كثير يعني أشخاص مهتمين في مجال الثقافه وإحنا بنشوف كثير إقبال على سواء المركز أو المبادرة،يعني هي لمى بدأت كمبادره كان يجينا مايقارب ٥٠ شخص هلا إحنا هاد البرنامج الي احنا بنعمل فيه بيجينا مايقارب ٢٠ شخص كل شهرين ينضموا لبرنامج الطالب الموهوب.
-
شو الي بشجع الشباب والطلاب يبعدو عن تلفوناتهم ويقرأو أكتر؟
هلا في عنى كثير الفلسطينين يعني كثير مهم ألهم التراث سواء أو الثقافة الفلسطينية لأنها كمان بتذكرهم بتاريخهم الفلسطيني او فالروايه الفلسطينية.
-
هل القراءة بتفتح العقل أكتر وبتفتح افاق للشباب؟
صحيح،يعني هي فكرة المبادره او فكرة المؤسسة تبعتنا إنها بتفتح كثير آفاق للأشخاص الي بيجوا عنى وتفكيرهم كمان وبتفتحلهم كتير فرص سواء في مجال الثقافه او في مجال المشاركه الإجتماعية .
-
هل بتحبي الكتب والقراءة؟
آه،أنا كتير يعني بحب القراءة وبحب أتعلم اشياء جديده.
-
مين كاتبك المفضل؟
كاتبي المفضل هو(غسان كنفاني)وفي مجال الشعر اأنا بحب محمود درويش.
-
هل في ثقافة فلسطينية غنية ؟
الثقافه الفلسطينية هي ثقافه كتير غنيه إحنا سواء كان في مجال الشعر او في مجال الكتابه والأدب الفلسطيني والأدب المعاصر كمان هي ثقافه غنيه من ناحية التقاليد الفلسطينية سواء كان في الدبكه أو في الأغاني الشعبيه كمان المأكولات الفلسطينيه ،يعني إحنا ثقافتنا جدآغنيه في كثير شغلات.
-
هل من المهم للفلسطينية يعرفو تراثهم من خلال القراءة وكمان يعرفو الاغاني التراثية ؟
صحيح يعني إحنا بنعرف كثير أشخاص مهتمين بهاي المواضيع.
-
هل الشباب عم يخصرو تراثهم ولا عم يتمسكو بتراثهم ؟
حاليآ إحنا بنشوف كثير ناس متمسكين بالثقافه الفلسطينية وإحنا واجبنا كشباب إنو ندعم تمسك هدول الناس بهاي الثقافه وبهاض التراث.
-
ليش بتعملي هاد العمل للمجتمع ؟
إحنا بنشتغل حاليآ على على كثير برامج وبنطمح كمان للمستقبل نصل لكثير فئات وكثير ناس عن طريق المؤسسة أو في مناطق مختلفه.
-
هل عملك عم بيعمل فرق بالمجتمع ؟
نعم،إحنا كمان بنطمح للتغير في المجتمع سواء في فئات الأطفال أو النساء أو الشباب.
-
شو هو أملك للمستقبل ؟
طبعآ احنا بنطمح ان مؤسستنا تكبر وتبطل مقتصره بس على منطقة بيت لحم بنطمح كمان تصل رسالتنا لكثير محافظات ونقدر نحتوي الأشخاص والطلاب المهتمين في مجال الثقافه بس ماعندهم حد ينمي موهبتهم او يحتويهم فإحنا كمؤسسهة المنار وكمجموعه شباب بلشنا بهاي الفكره هدفنا نصل لكثير من الناس وكثير من الأشخاص ونوعي المجتمع وبنفس الوقت نشجع على القراءة.
-
عل هندم موقع أو صفحة عل فيسبوك للناس الي بتحب تعرف أكتر ؟
عنى صفحه اسمها مركز المنار للثقافه والابداعAl_manar societyعلى الفيس بوك،كمان بتقدروا تزورونا على موقعنا هو بيت لحم عند التربيه والتعليم الجديده عند منطقة الجداول وبتقدروا تتواصلوا معانا على الرقم.
الزمن يتغير
الكثير من وسائل الإعلام
FILMED OVER BETHLEHEM