صوت راديو الحياة
بيت لحم
سوزان، ما هي مؤسسة الحرفيين للتجارة العادلة؟
هي عبارة عن مؤسسة للحرفيين للتجارة العادلة واسست سنة ال 2009 ، انا من الناس المؤسسين لهذه المؤسسة، وبعض الاشخاص موجودين اليوم في بيت لحم و فلسطين، اسست هاي هاي المؤسسة من اجل تعاون وخدمة الحرفيين الصغار في خشب الزيتون المعاقين والمرأة من خلال مبادئ التجارة العادلة اللي هي طبعا خلقت عشان المزارع والمنتج.
ما هي المشاريع التي تديرونها؟
المؤسسة تتعامل مع خشب الزيتون وكل المشغولات في خشب الزيتون، تطريز للمرأة والزجاج المكرر والورق المكرر، وكمان الصدف وكل المنتوجات الفلسطينية حتى الحطة الفلسطينية، والسيراميك من الخليل، وكمان منشتغل بأي حرف فلسطينية جميلة وممكن تصديرها الى الخارج.
مين المنتجين اللي بتعملو معهم هون في فلسطين؟
مؤسسة الحرفيين اليوم بتتعامل مع 53 مشغل خشب زيتون صغير، و4 مؤسسات للمعاقين في منطقة بيت لحم ومنتعامل مع تنمية المرأة الريفية، التي هي تحت رعايتهم واللي هم عبارة عن 50 نادي وجمعية تعاونية للمرأة، وكمان منتعاون مع جمعيات تعاونية في المنطقة وستات وافراد في البيوت بيشتغلوا حيث ان المؤسسة تقوم بدعمهم.
هل هنالك حرفيين موهوبين هنا في فلسطين؟
الفنانين الفلسطينيين كثيرون جدا، وللأسف ما في معرفة من اهل فلسطين للموجودين وقدراتهم الفنية، من خلال عمل مؤسسة الحرفيين ومعاملتها مع الحرفيين في فلسطين، يعني انا اكتشفت انه في عنا قدرات و كفائات بالفن مميزة جداً، في ستات بيقدرو يعملو اثاث بيت من الزجاج المكرر، والسيراميك اللي هي صناعة الخليل، الالوان اللي بتتأصل فيها فلسطين، واليوم في صبايا جداد بيحاولو يطرزوا و بيخلقو جمال الفن، بيحطوه في فستان عروس او فستان عادي، واليوم في ادراك بفلسطين انه في فن فلسطيني يجب انه يتم استخدامه بطريقة افضل.
هل هذه المؤسسة لتوفير لقمة عيش للناس؟
نعم، التجارة العادلة اسست اصلا للعناية بالمزارع الصغير والمنتج الصغير، في مبادئ للتجارة العادلة لخدمة المنتج الصغير، وفي حال لم تخدمه، فلماذا اصلا موجودة؟ مؤسسة الحرفيين بتقدم للمنتج الصغير مبيعات ب 10 او 20 او 30 الف دولار، وهدول الدفعات على الوقت المناسب وكمان بتعمله توعية في حقوقه فهي طبعاً بتعمل خلق فرص للمنتج الصغير من خلال مبادئ التجارة العادلة.
هل هو سهل للفلسطينيين ان يبعوا منتجاتهم؟
حياة الفلسطيني صعبة جداً، وما في شي سهل، لكن المنتج الفلسطيني مثابر وبيتعدى الصعوبات اللي بتواجه مثل الاحتلال والوضع السياسي اللي عايشين فيه، فالوضع صعب ولكن دائما منخلق فرص ودائما منوجد طرق نتخطى الصعوبات.
هل تجلب هذه المؤسسة الكرامة للفلسطينيين؟
من اسس التجارة العادلة انه المنتج الصغير ياخذ حقه، ولما انا كمنتج عندي حقي بعيش في كرامة، والانسان الفلسطيني معروف عنه انه كرامته هي اساس وما منعيش الا بكرامة و بغض النظر عن الوضع اللي عايشين فيه، المؤسسة بتوفر للحرفيين الصغار يعيشو بكرامة وانه يقدروا يوفروا معيشة بكرامة لأطفالهم.
هل يرى الفلسطينيين صعوبة في منافسة الصين مثلا؟
للأسف السلطة فتحت المجال لبضاعة اليابان انه تدخل فلسطين وطبعا هذا الكلام يؤثر على الكثير من الناس، حيث قطع التمثال السيراميك مثل تمثال العذراء مريم اللي بيتعمل هون خشب الزيتون يكفلف 200$ ولكن نفس التمثال السيراميك بيجي من اليابان بعشرين دولار، فطبعا بيأثر على اقتصاد فلسطين كثير، و يؤثر على المنتوج المحلي، مع انه منحاول ندعم ونطور منه، فكيف منسمح للبضائع الصينية واليابانية انه تدخل فلسطين؟
من دون هذه المؤسسة هل سيكون هنالك محتكرين من المؤسسات الكبيرة؟
هذه المؤسسة عم بتقوم بجزء صغير جداً، نحن في البداية ولكن منحاول انه نوفر للحرفيين بنسبة اكبر، فإنشاءالله لازم نعمل مع بعض كمؤسسة موجودة في فلسطين حتى نوفر للحرفيين فرص عمل اكبر من خلال مبادئ التجارة العادلة ونحوي تحت رعايتنا نسبة اكبر حتى نوفر الهم فعلا حياة افضل ومنتوج ومبيعات اله عن طريف هذه التجارة.
هل لديكم فرصة لتمثيل بيت لحم في انحاء العالم؟
هذه المؤسسة تتواجد في العالم كله، وتتواجد بطريقتين، انه منتوجاتنا موجودي في معظم الدول المستوردة للتجارة العادلة في العالم، وبنفس المنوال، بيتم دعوتنا لحضور مؤتمرات حتى نحكي عن فلسطين بشكل عام، وعن التجارة العادلة بشكل خاص، فكل فرصة تتاح لمؤسسة الحرفيين احنا منتسقبلها ومنوصل كلمتنا وكلمة الحق والسلام والتجارة العادلة في تعاملها في فلسطين.
بما انكم تستعملون البيع الالكتروني، هل رأيتم ان هذا كان ناجح؟
طبعاً اول شي اسسته مؤسسة الحرفيين هو الموقع الخاص اللي بيحتوي على جميع منتوجات الحرفيين وفي سنة 2015 عملنا موقع جديد، وهذا الموقع موجود في الاف الاصناف من فلسطين وبنفس الوقت بيقدروا الناس يقرأوا عن المنتجين، ومنطور فيه كل فترة لإضافة معلومات اكبر، والموقع اثبت انه في كثير ناس بيزوروه، وفي العديد من الناس اللي بيتعاملوا معنا من خلاله، وزبائننا بيبلشو صغار ولكن لما بيشوفوا طريقة العمل بيصير تعاملهم معنا اكبر.
هل تقومون بعمل فرق في المجتمع؟
المؤسسة هذه بتحب تتأكد انه بتعمل تأثير ايجابي جداً على حياة الحرفيين وبتوفير فرص العمل لإلهم وللمنتجين معهم. طبعا الحركة هي اساسها انه توفر للمنتج الصغير حياة بكرامة وحياة انه يقدر يقول انه التجارة العادلة فعلا قامت بتغيير في حياتي وقدمتلي مش بس مبيعات وكمان علمتني كيف احافظ على حقوقي.
ما هي صلاتكم للمنتجين هنا في فلسطين؟
بتمنى و بصلي للإستقرار السياسي والمني في العالم كله، ويتوفر الامان لهدول الحرفيين الصغار اللي احنا منحاول بجهد كبير انه نوفرلهم حياة اكبر و فرص عمل بطريقة اكبر، اهم اشي السلام العام، وفي فلسطين والدول العربية، هذا الشي بيوفر لنا جميعا حياة مستقرة منقدر فيها انه نوفر فرص عمل ونبني حياة افضل النا.
ما هو موقعكم الالكتروني في حال اراد احد التواصل معكم؟
اهلا وسهلا بالجميع.
الزمن يتغير
الكثير من وسائل الإعلام
FILMED OVER BETHLEHEM